اسلام آباد(نیوز ڈیسک)کئی صارفین واٹس ایپ پر نامعلوم نمبروں سے موصول ہونے والے پیغامات سے پریشان ہیں، جو عموماً اسپام یا مارکیٹنگ پیغامات ہوتے ہیں۔ تاہم، میٹا کی زیرِ ملکیت اس ایپ میں اس مسئلے کا حل پیش کیا جا رہا ہے۔ واٹس ایپ کے بیٹا ورژن میں ایک نیا فیچر متعارف کرایا گیا ہے جو نامعلوم نمبروں سے آنے والے پیغامات کو خودکار طور پر بلاک کر دے گا۔
یہ فیچر صارفین کو سیٹنگز میں جا کر “پرائیویسی” سیکشن کے تحت “ایڈوانسڈ” آپشن میں جا کر “بلاک میسجز فرام ان نون اکاؤنٹس” کو ان ایبل کرنے کی اجازت دیتا ہے۔ اس کے بعد، اجنبی نمبروں سے آنے والے پیغامات بلاک ہو جائیں گے۔ تاہم، یہ فیچر مکمل طور پر تمام اجنبی افراد کے پیغامات کو بلاک نہیں کرے گا بلکہ اسے اسپام پیغامات کی روک تھام کے لیے ڈیزائن کیا گیا ہے۔
یہ فیچر اسپام پیغامات کے خلاف ایک عارضی ڈھال کے طور پر کام کرتا ہے اور جب صارفین کو بہت زیادہ پیغامات موصول ہوں تو اس وقت مؤثر ہوتا ہے۔ مستقبل میں اس فیچر کو مزید بہتر بنانے کی توقع ہے، لیکن فی الحال یہ تمام صارفین کے لیے دستیاب نہیں ہے اور بیٹا ورژن تک محدود ہے۔
مزیدپڑھیں :اداکارہ صبا فیصل کے ہاں پوتے کی پیدائش، نام بھی بتا دیا
