واٹس ایپ میں اب آپ دوستوں کو اپنی بھیجی گئی میڈیا فائلز محفوظ کرنے سے روک سکیں گےواٹس ایپ کی جانب سے ایک ایسے بہترین پرائیویسی فیچر کی آزمائش کی جا رہی ہے جو صارفین کو ضرور پسند آئے گا۔
میٹا کی جانب سے آئی او ایس اور اینڈرائیڈ ڈیوائسز کے لیے واٹس ایپ کے نئے بیٹا (beta) ورژنز میں ایڈوانسڈ چیٹ پرائیویسی نامی آپشن کی آزمائش کی جا رہی ہے۔اس فیچر کے ذریعے آپ دیگر افراد کو اپنی چیٹ ایکسپورٹ کرنے یا آپ کی جانب سے بھیجی گئی تصاویر اور ویڈیوز کو خودکار طور پر محفوظ کرنے سے روک سکتے ہیں۔
اس نئی ایڈوانسڈ پرائیویسی سیٹنگ کا اطلاق ون آن ون اور گروپس چیٹس دونوں میں ہوگا۔جب سیٹنگ کو ٹرن آن کیا جائے گا تو ون آن ون چیٹ یا گروپ چیٹ میں کوئی بھی فرد پوری چیٹ ہسٹری کو واٹس ایپ سے باہر ایکسپورٹ نہیں کیا جاسکے گا۔اسی طرح آپ کی جانب سے بھیجی گئی تصاویر اور ویڈیوز بھی خودکار طور پر دیگر افراد کی ڈیوائسز کی گیلریز میں محفوظ نہیں ہوں گی۔
البتہ رپورٹ میں یہ واضح نہیں کیا گیا کہ دیگر افراد مینوئلی طریقے میڈیا فائلز کو محفوظ کرسکیں گے یا نہیں۔جب گروپ چیٹ میں اس سیٹنگ کو ان ایبل کیا جائے گا تو اس میں موجود ہر فرد کو نوٹیفکیشن بھیج کر ایڈوانسڈ چیٹ پرائیویسی سیٹنگ کو آن کرنے کا بتایا جائے گا۔ البتہ اس سیٹنگ کو آن کرنے سے ون آن ون یا گروپ چیٹس میں میٹا اے آئی چیٹ بوٹ ٹرن آف ہو جاتا ہے یا کم از کم بیٹا ورژنز میں تو ایسا ہو رہا ہے۔
اگرچہ اس فیچر کے بعد پوری چیٹ کو ایکسپورٹ کرنے سے روکنا ممکن ہے مگر پھر بھی انفرادی میسجز یا اسکرین شاٹس کو ضرور فارورڈ کیا جاسکتا ہے۔یعنی آپ مکمل طور پر اپنے میسجز کو ایکسپورٹ کرنے سے نہیں روک سکتے مگر پھر بھی کافی حد تک ایسا ممکن ہو جائے گا۔یہ فیچر ابھی بیٹا ورژنز میں متعارف کرایا گیا ہے تو یہ کہنا مشکل ہے کہ اسے کب تک تمام صارفین کے لیے متعارف کرایا جائے گا۔
