بھارت کو دفاعی میدان میں ایک اور دھچکا لگا ہے جب فرانس نے رافیل طیاروں کے سورس کوڈ تک رسائی دینے سے دوبارہ انکار کر دیا۔
رافیل طیاروں کے سورس کوڈ تک رسائی نہ ملنے سے بھارت ان طیاروں کے اہم نظام میں خود سے تبدیلی نہیں کر سکے گا۔
فرانسیسی حکام کا کہنا ہے کہ رافیل طیاروں کے ریڈار، ڈیٹا نظام اور الیکٹرانک جنگی نظام کا سافٹ ویئر انتہائی حساس ہے۔
اسی وجہ سے فرانس نے ان نظاموں پر مکمل کنٹرول اپنے پاس رکھنے کا فیصلہ کیا ہے۔
یہ پیش رفت ایسے وقت میں سامنے آئی ہے جب بھارت مزید 114 رافیل طیارے خریدنے کے بڑے منصوبے پر غور کر رہا ہے۔ اس معاہدے کی مالیت تقریباً 36 ارب ڈالر بتائی جا رہی ہے۔
ماہرین کے مطابق رافیل طیاروں کے سورس کوڈ تک رسائی جدید جنگی حکمت عملی میں اہم کردار ادا کرتی ہے۔
اس پابندی کے باعث بھارت کی دفاعی خودمختاری حاصل کرنے کی کوششوں کو محدود سمجھا جا رہا ہے۔
