ایران جنگ کے اثرات سے اماراتی اسٹاک مارکیٹس کو شدید نقصان کا سامنا کرنا پڑا ہے۔ امریکہ، اسرائیل اور ایران کے درمیان کشیدگی کے دوران 28 فروری سے اب تک تقریباً 120 ارب ڈالر کا نقصان ریکارڈ کیا گیا۔
دبئی اور ابوظبی کی اسٹاک مارکیٹس سب سے زیادہ متاثر ہوئیں۔ دبئی انڈیکس میں تقریباً 16 فیصد جبکہ ابوظبی انڈیکس میں 9 فیصد کمی دیکھی گئی۔
رپورٹس کے مطابق دبئی فنانشل مارکیٹ کو تقریباً 45 ارب ڈالر کا نقصان ہوا، جبکہ ابوظبی سیکیورٹیز ایکسچینج میں تقریباً 75 ارب ڈالر کی کمی ہوئی۔
ایران جنگ کے اثرات سے اماراتی اسٹاک مارکیٹس کے ساتھ ساتھ خلیجی خطہ بھی متاثر ہوا۔ قطر کی کرنسی میں 4 فیصد اور بحرین میں 7 فیصد کمی ہوئی، جبکہ سعودی عرب اور عمان میں کچھ بہتری دیکھی گئی۔
عالمی سطح پر بھی اثرات سامنے آئے۔ وال اسٹریٹ کے ایس اینڈ پی 500 انڈیکس میں تقریباً 7 فیصد کمی ریکارڈ کی گئی۔
متحدہ عرب امارات نے حالیہ برسوں میں اپنی معیشت کو متنوع بنایا ہے اور مالیاتی شعبے کو مضبوط کیا ہے۔ 2024 میں اس کی مجموعی مارکیٹ ویلیو ایک ٹریلین ڈالر سے تجاوز کر گئی، جو خطے میں نمایاں حیثیت رکھتی ہے۔
حکام کے مطابق 2033 تک دبئی کو دنیا کے چار بڑے مالیاتی مراکز میں شامل کرنے کا ہدف بھی مقرر کیا گیا ہے۔
