لاہور(اوصاف نیوز) گاڑی مالکان کو 15 نومبر تک کی مہلت دیتے ہوئے خبردار کیا گیا ہے کہ 15 نومبر کے بعد گاڑی دیکھتے ہی ضبط کر لی جائے گی۔
تفصیلات کے مطابق پنجاب انوائرمینٹل پروٹیکشن ایجنسی (ای پی اے) نے بڑا فیصلہ کرتے ہوئے اعلان کیا ہے کہ 15 نومبر 2025 کے بعد صوبے میں سبز اسٹیکر کے بغیر گاڑیوں کی نقل و حرکت پر پابندی ہوگی۔
ڈائریکٹر جنرل ماحولیات ڈاکٹر شیخ نے کہا کہ لاہور میں ہر گاڑی کے لیے ایگزاسٹ ٹیسٹنگ (ای ٹی ایس) کو لازمی قرار دے دیا گیا ہے۔
اس سلسلے میں صوبے بھر میں ماحولیاتی معیارات کی خلاف ورزی کرنے والی گاڑیوں کے خلاف زیرو ٹالرنس کریک ڈاؤن شروع کر دیا گیا ہے۔
انہوں نے خبردار کیا کہ 15 نومبر کے بعد لاہور کی سڑکوں پر ای ٹی ایس سرٹیفکیٹ یا گرین سٹیکر کے بغیر کوئی بھی گاڑی دیکھتے ہی ضبط کر لی جائے گی۔ صرف وہی گاڑیاں چل سکیں گی۔
ڈاکٹر شیخ نے واضح کیا کہ گاڑیوں کے دھوئیں اور شور کی جانچ اب اختیاری نہیں ہے لیکن ٹیسٹ میں فیل ہونے والے گاڑیوں کے مالکان کے خلاف لازمی اور قانونی کارروائی کی جائے گی۔
ای پی اے پنجاب نے لاہور سے ملک گیر انسداد آلودگی مہم کا آغاز کیا ہے اور شہریوں سے اپیل کی ہے کہ وہ اپنی گاڑیوں کا فوری ٹیسٹ کرائیں بصورت دیگر انہیں سڑکوں سے ہٹا دیا جائے گا۔
اس اقدام کو پنجاب میں فضائی آلودگی کے خلاف ایک تاریخی قدم کے طور پر سراہا جا رہا ہے، جس سے یہ واضح پیغام جاتا ہے کہ آلودگی پھیلانے والی کوئی گاڑی پیچھے نہیں رہے گی۔
مزید پڑھیں:آن لائن ملازمت کے خواہشمند نوجوانوں کیلئے بڑی خوشخبری!
