اسلام آباد (اوصاف نیوز) بینک الفلاح نے اپنے صارفین کے لیے ہوم لون کی ایک نئی اسکیم متعارف کروائی ہے جس میں 0% پروسیسنگ فیس اور آسان اقساط کے پلانز شامل ہیں۔ بینک کا کہنا ہے کہ اس اسکیم کے ذریعے گھر کا خواب اب سستا اور آسان ہو گیا ہے۔
اس اسکیم کے تحت صارفین کو فنانسنگ کی سہولت 20 سال تک دی جا سکتی ہے جبکہ سبسڈی پلان 10 سال تک دستیاب ہے۔ ہوم لون کے لیے فوری اور آسان پروسیسنگ کا آپشن موجود ہے اور کسی قسم کی اضافی یا پوشیدہ فیس نہیں ہوگی۔
بینک الفلاح کے مطابق صارفین مزید معلومات یا کسی شکایت کے لیے فون بینکنگ 021-111-225-111 یا ای میل [email protected]
پر رابطہ کر سکتے ہیں۔ اگر صارفین جواب سے مطمئن نہ ہوں تو وہ سنوائی پورٹل پر بھی شکایت درج کرا سکتے ہیں: https://sunwai.sbp.org.pk
مزید برآں، تازہ ترین اپ ڈیٹس اور اسکیم کے بارے میں معلومات کے لیے صارفین بینک الفلاح کے واٹس ایپ چینل میں شامل ہو سکتے ہیں۔
یہ اسکیم خاص طور پر ان افراد کے لیے مفید ہے جو گھر خریدنے کے خواہاں ہیں اور آسان اقساط میں سرمایہ کاری کرنا چاہتے ہیں۔ اسکیم میں گھر کی قیمت کے مطابق 5% سے 8% سالانہ سود کے پلانز دستیاب ہیں، اور مختلف مالی اہلیت کے لیے دو مختلف زمرے فراہم کیے گئے ہیں۔
مزید پڑھیں:فیض حمید کو 14 سال قید سزا سنا دی گئی
