لاہور (اوصاف نیوز) معروف کار ساز کمپنی ہونڈانے اقساط کا نیا پلان متعارف کرادیا۔
کاروں کے شوقین اب ہونڈا کی اس نئی پیشکش کے ذریعے ہونڈا کی گاڑیاں آسان اقساط میں حاصل کر سکتے ہیں۔
ہونڈا کمپنی نے حبیب میٹرو بینک کے ساتھ مل کر ہونڈا سٹی، سوک اور HR-V کے لیے ایک نئی سکیم متعارف کرائی ہے جس کا مقصد صارفین کو کم شرح سود اور اضافی مراعات فراہم کرنا ہے۔
اس پیشکش کے تحت فنانسنگ کی شرح ایک فیصد اور کائی بور مقرر کی گئی ہے جو روایتی کمرشل آٹو لونز کے مقابلے میں شفاف اور کم پھیلاؤ کا حل فراہم کرتی ہے۔ اس پیشکش کے تحت، 2 لاکھ روپے تک کی فیس بینک کی طرف سے کور کی جائے گی۔
اسکیم کے تحت، پہلے سال کے لیے مفت متواتر دیکھ بھال دستیاب ہوگی اور گاڑیوں میں درآمد شدہ برج اسٹون ٹائر استعمال کیے جائیں گے، جن کی قیمت تقریباً 1 لاکھ روپے ہے۔
اس آفر کے تحت گاڑیوں کی ڈیلیوری اسی مہینے یعنی دسمبر میں یقینی بنائی گئی ہے جس سے انتظار کے معمول کے اوقات میں کمی آئے گی تاہم اس پیشکش پر بینک کی شرائط و ضوابط لاگو ہوں گے۔
ہونڈا کی طرف سے متعارف کرائی گئی اس پیشکش میں دلچسپی رکھنے والے صارفین ادائیگی کے تفصیلی شیڈول اور KIBOR ایڈجسٹمنٹ کی فریکوئنسی کے بارے میں تفصیلات کے لیے حبیب میٹرو بینک سے رابطہ کر سکتے ہیں۔
مزید پڑھیں:کولڈ پلے اسکینڈل تنازع میں ملوث خاتون نے بالآخر خاموشی توڑ دی
