کراچی (کامرس ڈیسک) پاکستان اسٹاک ایکسچینج میں آج کاروبار کا اختتام مندی کے رجحان سے ہوا جس سے سرمایہ کاروں کو اربوں روپے کا نقصان اٹھانا پڑا۔
کاروباری دن کے دوران مارکیٹ میں اتار چڑھاؤ دیکھا گیا، تاہم آخر میں فروخت کا دباؤ غالب رہا۔
اعداد و شمار کے مطابق پاکستان اسٹاک ایکسچینج کا ہنڈریڈ انڈیکس 1354 پوائنٹس کی کمی کے بعد منفی زون میں بند ہوا۔ کاروباری سیشن کے دوران انڈیکس کی بلند ترین سطح 157,962 جبکہ کم ترین سطح 154,790 ریکارڈ کی گئی۔
واضح رہے کہ ہنڈریڈ انڈیکس گزشتہ روز 157,132 پوائنٹس پر بند ہوا تھا تاہم آج کے سیشن میں مسلسل فروخت کے رجحان نے مارکیٹ کو نیچے کی طرف دھکیل دیا۔
اقتصادی ماہرین کا کہنا ہے کہ عالمی اقتصادی غیر یقینی صورتحال، سرمایہ کاروں کی محتاط حکمت عملی اور بعض شعبوں میں منافع خوری کی وجہ سے دباؤ میں اضافہ ہوا۔
تجزیہ کاروں کے مطابق اگر آنے والے دنوں میں مثبت معاشی اشاریے سامنے نہ آئے تو مارکیٹ میں اتار چڑھاؤ جاری رہ سکتا ہے۔ سرمایہ کاروں کو مشورہ دیا جاتا ہے کہ وہ محتاط انداز میں سرمایہ کاری کریں اور طویل مدتی حکمت عملی اپنائیں ۔
مارکیٹ شیئرز میں کمی کے باوجود بعض سیکٹرز میں محدود خرید بھی دیکھی گئی تاہم مجموعی طور پر کاروبار کا اختتام منفی رجحان پر ہوا۔
مزید پڑھیں:مودی کا اسرائیل جانے کا فیصلہ ایران حملے سے پہلے تنقید کی زد میں،اہم تفصیلات جانیں
