کراچی(نیوز ڈیسک) گزشتہ روز سونے کی قیمتوں میں ہونے والی نمایاں کمی کے بعد آج عالمی اور مقامی گولڈ مارکیٹس میں سونے کے نرخوں میں معمولی کمی ریکارڈ کی گئی، جبکہ چاندی کی قیمت میں اضافہ دیکھنے میں آیا ہے۔
آل پاکستان صرافہ ایسوسی ایشن کے جاری کردہ اعداد و شمار کے مطابق ملک بھر میں 24 قیراط فی تولہ سونے کی قیمت میں 43 روپے کی کمی ریکارڈ کی گئی، جس کے بعد فی تولہ سونا 4 لاکھ 37 ہزار 993 روپے پر آ گیا ہے۔
اسی طرح 10 گرام سونے کی قیمت میں بھی 39 روپے کی کمی ہوئی، جس کے بعد اس کی نئی قیمت 3 لاکھ 74 ہزار 166 روپے مقرر کی گئی ہے۔
مارکیٹ ذرائع کے مطابق گزشتہ روز سونے کی قیمت میں ہزاروں روپے کی بڑی کمی کے بعد آج مارکیٹ نسبتاً مستحکم رہی۔
دوسری جانب چاندی کی قیمت میں اضافہ دیکھنے میں آیا ہے، فی تولہ چاندی 16 روپے مہنگی ہو کر 6 ہزار 972 روپے تک پہنچ گئی، جس کے باعث چاندی میں سرمایہ کاری کرنے والوں کی دلچسپی بھی برقرار ہے۔
بین الاقوامی مارکیٹ میں بھی سونے کی قیمت میں معمولی کمی ریکارڈ کی گئی، عالمی منڈی میں فی اونس سونا 43 سینٹ سستا ہونے کے بعد 4 ہزار 155 ڈالر 57 سینٹ پر ٹریڈ کرتا رہا۔
معاشی ماہرین کا کہنا ہے کہ عالمی معاشی صورتحال، ڈالر کی قدر اور سرمایہ کاروں کے رجحانات سونے کی قیمتوں پر اثرانداز ہوتے ہیں، آنے والے دنوں میں بین الاقوامی مارکیٹ کے رجحان کے مطابق مقامی سونے کی قیمتوں میں مزید اتار چڑھاؤ دیکھنے کو مل سکتا ہے۔
مزید پڑھیں۔امریکا ایران مذاکرات میں مثبت پیشرفت، عالمی منڈی میں تیل کی قیمتوں میں کمی
