اسلام آباد (نیوز ڈیسک) پاکستان اور بھارت کے درمیان قیدیوں کی فہرستوں کا ششماہی تبادلہ کر دیا گیا۔
ذرائع کے مطابق اسلام آباد اور نئی دہلی میں ہائی کمشنرز کو فہرستیں دی گئیں، پاکستان نے 250 ہندوستانی قیدیوں کی لسٹ شیئر کر دی ہے۔
ذرائع کا کہنا ہے کہ بھارتی جیلوں میں ساڑھے سات سو سے زائد پاکستانی قید ہیں، انڈیا نے تقریباً 400 سے زائد پاکستانی قیدیوں کی لسٹ فراہم کی ہے، ہندوستان کے جیلوں میں پاکستانی سویلینز اور ماہی گیر قید ہیں۔
ذرائع کے مطابق فہرستوں کا تبادلہ 2008 کے قونصلر رسائی معاہدے کے تحت کیا جاتا ہے، معاہدے کے تحت ہر سال یکم جنوری اور یکم جولائی کو قیدیوں کی فہرستوں کا تبادلہ ہوتا ہے۔
مزید پڑھیں۔یکم جولائی کے بعد بینک میں رقم جمع کرانے اور نکلوانے والوں کے لیے بڑی خبر
