عالمی منڈی میں سونے کے قیمتوں میں مزید اضافہ، وجہ سامنے آگئی

نیو یارک(نیوز ڈیسک)امریکا میں روزگار کے کمزور اعداد و شمار سامنے آنے کے بعد فیڈرل ریزرو کی جانب سے شرح سود میں اضافے کے امکانات کم ہونے پر عالمی منڈی میں اسپاٹ گولڈ کی قیمت 4,174.66 ڈالر فی اونس کی 2 ہفتوں کی بلند ترین سطح کے قریب مستحکم ہو گئی، جبکہ ماہرین نے سرمایہ کاری کے بدلتے رجحانات کے باعث تیسری اور چوتھی سہ ماہی میں قیمتوں میں مزید ریکارڈ اضافے کی پیش گوئی کی ہے۔

امریکی لیبر مارکیٹ سے موصول ہونے والے غیر تسلی بخش اعداد و شمار نے عالمی مالیاتی منڈیوں میں ہلچل مچا دی ہے۔ جون کے مہینے میں امریکا میں ملازمتوں کی فراہمی کی رفتار نمایاں طور پر سست رہی، جبکہ گزشتہ 2 ماہ کے ڈیٹا میں بھی منفی ترمیم کی گئی۔

اس سست روی کے باعث سرمایہ کاروں میں یہ تاثر مضبوط ہوا ہے کہ مہنگائی کا دباؤ اب کم ہو رہا ہے، جس کے نتیجے میں امریکی مرکزی بینک (فیڈرل ریزرو) کی جانب سے مستقبل قریب میں شرح سود میں مزید اضافے کی توقعات دم توڑ گئی ہیں۔ اس صورتحال نے محفوظ سرمایہ کاری کے طور پر سونے کی مانگ میں یکدم اضافہ کر دیا ہے۔

مزید پڑھیں۔ڈیڑھ لاکھ روپے ماہانہ کمانے کا سنہری موقع، نوجوانوں کے لیے بڑی خوشخبری آگئی