وزیر خزانہ محمد اورنگزیب نے کہا ہے کہ پاکستان آئی ایم ایف کا پروگرام کم از کم تین سال تک لے گا۔
بین الاقوامی جریدے بلومبرگ کے مطابق محمد اورنگزیب نے امید ظاہر کی ہے کہ آئندہ مالی سال میں شرح نمو بہتر رہے گی، نقد رقم کا توازن بہتر ہے، حکومت تمام قرضے بروقت ادا کرے گی، ادائیگیوں سے پاکستانی کرنسی پر دباؤ نہیں پڑے گا۔ امید ہے روپے کی قدر مستحکم رہے گی۔
انہوں نے کہا کہ پاکستان اس سال چینی مارکیٹ میں 300 ملین ڈالر کے پانڈا بانڈز جاری کرے گا جس کا حجم بعد میں بڑھایا جائے گا۔
