وزیر خزانہ محمد اورنگزیب نے کہا ہے کہ 14 اپریل کو انٹرنیشنل مانیٹری فنڈ (آئی ایم ایف) واشنگٹن میں منصوبے کے خدوخال پر بات چیت شروع کرے گا۔
اسلام آباد میں میڈیا سے گفتگو کرتے ہوئے انہوں نے کہا کہ مہنگائی میں بتدریج کمی آئے گی، محمد بن سلمان سے بہت مثبت ملاقات ہوئی، انہوں نے اس بات کا اعادہ کیا کہ وہ سرمایہ کاری کی صورت میں پاکستان کا وسیع دورہ کریں گے۔
انہوں نے امید ظاہر کی کہ مہنگائی میں کمی سے پالیسی ریٹ میں کمی کی بھی توقع ہے، انہوں نے کہا کہ وفاق میں جو بھی ہوگا، صوبوں کی مشاورت سے ہوگا۔
مزید پڑھیں: پاکستان اسٹاک ایکسچینج میں زبردست تیزی ، تاریخ میں پہلی بار 70 ہزار پوائنٹس کی تاریخی بلند ترین سطح پر
واضح رہے کہ 29 مارچ کو وفاقی وزیر خزانہ محمد اورنگزیب نے کہا تھا کہ ہم معیشت کے استحکام کے لیے جون تک انٹرنیشنل مانیٹری فنڈ (آئی ایم ایف) کے ساتھ نئے پروگرام کے لیے عملے کی سطح کے معاہدے پر دستخط کرنا چاہتے ہیں۔
انہوں نے کہا کہ ہم نے چند روز قبل آئی ایم ایف کے ساتھ سٹاف لیول کا معاہدہ کیا تھا جو میکرو اکنامک استحکام کو یقینی بنانے کے لیے بہت اہم تھا اور اسی بات کو مدنظر رکھتے ہوئے ہم نے آئی ایم ایف کے ساتھ ایک طویل المدتی پروگرام کیا ہے۔ منعقد کرنے کی درخواست کی اور آئی ایم ایف نے مثبت جواب دیا، 14 اور 15 اپریل کو آئی ایم ایف سے مذاکرات ہوں گے۔
