کراچی(نیوزڈیسک)کراچی میں پولیس افسرپردوران ڈیوٹی بھارتی گانوں پرٹک ٹاک بنانے کا جنون سوارہوگیا۔ سب انسپیکٹر ساجد کی دوران ڈیوٹی تھانے میں ٹک ٹاک بنانےکی ویڈیومنظرعام پرآگئی ۔
ویڈیو میں سب انسپیکٹرتھانہ اورنگی ٹاون کو بھارتی گانوں پر ٹک ٹاک بناتے ہوئے دیکھا جا سکتا ہے ۔ پولیس حکام کا کہنا ہے کہ ٹک ٹاک بنانےپرپولیس سب انسپیکٹرکےخلاف کارروائی کی جائےگی۔
واضح رہے کہ کراچی پولیس چیف نےوردی میں ٹک ٹاک بنانے پرپابندی بھی عائد کی تھی ۔
تھانہ اورنگی ٹاون کےشعبہ تفتیش میں تعینات سب انسپیکٹر ساجد ماضی میں جرائم پیشہ عناصرکی سرپرستی کےالزام میں معطل بھی ہوچکا ہے۔
