اسلام آباد(ویب ڈیسک)وزیراعلیٰ خیبرپختونخوا علی امین گنڈا پور نے کہا ہے کہ ملک کی مقبول ترین سیاسی جماعت پر پابندی لگانا خوش فہمی سے زیادہ کچھ نہیں، مینڈیٹ چوروں کی حکومت ہوش و حواس کھو چکی ہے۔
وزیراعلیٰ خیبرپختونخوا نے وفاقی حکومت کی جانب سے پی ٹی آئی پر پابندی کے فیصلے پر ردعمل کا اظہار کرتے ہوئے کہا کہ موجودہ وفاقی حکومت مینڈیٹ چور ہے جو جعلی طریقے سے اقتدار پر قابض ہے۔
انہوں نے کہا کہ فارم 47 کی بنیاد پر بننے والی حکومت یہ فیصلہ کرے گی، موجودہ مینڈیٹ چوری کرنے والی حکومت نے ماضی میں سپریم کورٹ پر حملہ کیا، الیکشن ٹربیونل اور آئندہ کے فیصلے انہیں شکست دیں گے۔
انہوں نے کہا کہ مینڈیٹ چور حکومت کو اپنی شکست صاف نظر آرہی ہے، ہم ان سے پہلے بھی لڑ چکے ہیں، وہ جو بھی کریں ہم ان کا مقابلہ کریں گے۔
علی امین گنڈا پور نے کہا کہ یہ ملک ان کے والد کا ہے اس لیے وہ فیصلے کر سکتے ہیں جو ان کے دل میں آئے۔ مخصوص نشستوں کا فیصلہ سپریم کورٹ نے آئین کے مطابق کیا ہے۔
واضح رہے کہ کچھ عرصہ قبل اسلام آباد میں پریس کانفرنس کرتے ہوئے وفاقی وزیر اطلاعات و نشریات عطاء تارڑ نے پی ٹی آئی پر پابندی کے فیصلے کا اعلان کیا تھا۔
انہوں نے کہا تھا کہ غیر ملکی فنڈنگ ثابت ہو گئی، 9 مئی کے حملے ثابت ہو گئے اور دہشت گردوں کو واپس لانا ثابت ہو گیا، امریکہ میں قرار داد ثابت ہو گئی، ان سب چیزوں کے علاوہ سیفر کا کھیل رچایا گیا، ان تمام چیزوں کو دیکھ کر وفاقی حکومت پی ٹی آئی پر پابندی لگانے کا مقدمہ دائر کرے گی، وہ تحریک انصاف پر پابندی لگانے جا رہے ہیں۔
انہوں نے کہا کہ ہم سمجھتے ہیں کہ پاکستان کے آئین کے تحت آرٹیکل 17 موجود ہے جو حکومت کو سیاسی جماعتوں پر پابندی لگانے کا اختیار دیتا ہے۔ ایسے ہیں کہ پی ٹی آئی پر پابندی لگائی جائے۔
عطا تارڑ نے کہا تھا کہ آپ نے آئی ایم ایف معاہدے کو سبوتاژ کرنے کی کوشش کی، سیاسی مفادات کی خاطر آپ آئی ایم ایف کو خط لکھنے کی حد تک گئے تاکہ پاکستان ڈیفالٹ ہو جائے، یہ آپ کی کوشش تھی، آپ نے کوشش کی کہ ملک میں عدم استحکام پیدا ہو۔ ملک میں افراتفری ہو سکتی ہے، یہاں کبھی استحکام نہیں ہونا چاہیے۔
مزیدپڑھیں :کیاشمسی توانائی کے استعمال سے ملک میں انرجی بحران حل ہوپائیگا
