اسلام آباد(نیوزڈیسک)راولپنڈی میں پاکستان تحریک انصاف کا احتجاج ، آج بروز ہفتہ 28 ستمبر کو راولپنڈی اسلام آباد سے مری روڈ داخل ہونیوالا راستہ فیض السلام کے سامنے سے راستہ بند کردیا گیا ۔
راولپنڈی مری روڈ فیض آباد کی دونوں سائیڈ کنٹینر رکھ دیئے گئے۔اسلام آباد ایکسپریس وے فیض آباد فلائی اوور ٹریفک کے لیے کھلا ہے آئی جے پی کرنل شیر خان روڈ روڈ بھی ٹریفک کیلئے کھلا ہے۔
پاکستان تحریک انصاف (پی ٹی آئی) کے آج راولپنڈی میں احتجاج کے باعث شہر کی جانب جانے والی متعدد اہم سڑکوں کو کنٹینرز لگا کر بند کر دیا گیا ہے اور میٹرو سروس بھی معطل کر دی گئی ہے۔
پی ٹی آئی کے بانی عمران خان نے اس ہفتے کے شروع میں صحافیوں کو بتایا تھا کہ راولپنڈی میں پارٹی کے 28 ستمبر کو ہونے والے جلسے کو احتجاج سے بدل دیا جائے گا۔پی ٹی آئی کے احتجاج کے اعلان کے رد عمل میں پنجاب حکومت نے راولپنڈی ڈویژن میں سی آر پی سی کی دفعہ 144 نافذ کرتے ہوئے دو دن کے لیے شہر میں عوامی اجتماعات پر پابندی عائد کر دی ہے۔
راولپنڈی میں فتح جنگ ٹول پلازہ، کچا سٹاپ، گلزار قائد، شمس آباد، فیض آباد، آئی جے پی روڈ، ڈبل روڈ، کٹاریاں پل، پنڈورا چوک اور کھنہ پل سمیت اہم مقامات کو سیل کر دیا گیا ہے۔اسی طرح اسلام آباد میں ٹی چوک، کورال، کھنہ، فیض آباد، آئی جے پی جنکشن، 26 نمبر، گولڑہ موڑ، B-17، اور جی ٹی روڈ پر مارگلہ کٹ کو سیل کر دیا جائے گا۔
ان علاقوں کو کنٹینرز، ڈمپروں، لدے ٹرکوں اور خاردار تاروں کے تین درجے کے نظام کا استعمال کرتے ہوئے بلاک کیا جائے گا۔ٹیکسلا سے راولپنڈی جانے والے راستوں سمیت احتجاجی مقام لیاقت باغ تک رسائی کو روکنے کیلئے کنٹینرز رکھے گئے ہیں۔
احتجاج کے پیش نظر، پارک کے اندر اور باہر پولیس کی بھاری نفری تعینات کی گئی ہے، حکام نے ان افراد کو بھی ہٹا دیا ہے جو اس علاقے میں تفریحی سیر کے لیے آئے تھے۔اس کے علاوہ مری روڈ کے اطراف کی سڑکوں کو بھی کنٹینرز لگا کر سیل کر دیا گیا ہے۔
راولپنڈی میں دفعہ 144 نافذ، پی ٹی آئی کل احتجاج کی تیاریاں کر رہی ہے۔تحریک انصاف کی احتجاجی کال کے باعث صدر اور فیض آباد کے درمیان میٹرو بس سروس معطل کردی گئی ہے۔ تاہم آئی جے پی روڈ سے سیکرٹریٹ تک میٹرو سروس بدستور فعال ہے۔
دریں اثناء اسلام آباد ہائی وے پر ٹریفک رواں دواں ہے، تاہم کھنہ پل کے اطراف کنٹینرز رکھے گئے ہیں۔اسلام آباد سے مری روڈ کی مرکزی انٹری پوائنٹ فیض الاسلام کے مقام پر فیض آباد کے دونوں اطراف کنٹینرز لگا کر بلاک کر دیا گیا ہے۔
سڑکوں پر رکاوٹوں کے باوجود، اسلام آباد ایکسپریس وے پر فیض آباد فلائی اوور کھلا ہے، آئی جے پی کرنل شیر خان روڈ کے ساتھ، کچھ ٹریفک کی آمدورفت کی اجازت ہے۔حکام صورتحال پر نظر رکھے ہوئے ہیں۔
