کراچی کے علاقے اورنگی ٹاؤن کا رہائشی 13 سالہ بچہ کاشان عدنان سیلانی ویلفیئر سے کورس سیکھنے کے بعد ہر ماہ پانچ لاکھ روپے کماتا ہے۔
نجی ٹی وی کے پروگرام ’شانِ رمضان‘ میں گفتگو کرتے ہوئے کاشان عدنان نے کہا کہ میں نے سیلانی سے اے آئی اور چیٹ بوٹ ڈیولمپنٹ کورس کیا ہے اور ویبین موبائل ایپلی کیشن ڈیولپمنٹ کا کورس بھی کیا ہے۔
انہوں نے کہا کہ میں ہر مہینے پانچ لاکھ روپے کما رہا ہوں۔
کاشان عدنان نے کہا کہ لیکن حضرت کا ویژن یہ ہے کہ جو بھی بچہ پاکستان میں ابھی لاکھوں میں کما رہا ہے وہ پاکستانی کرنسی میں نہیں بلکہ لاکھوں ڈالرز میں کمائے۔
اقرار الحسن نے پوچھا کہ آپ کس طرح کی خدمات کلائنٹس کو فراہم کررہے ہیں؟
جواب میں کاشان نے کہا کہ میں نے اپنی اسٹارٹ کمپنی ’آغاز ٹیک‘ کے نام سے شروع کی ہے، میں انٹرنیشنل کلائنٹس کے ساتھ کام کرتا ہوں اور 100 سے زائد طلبا کو پڑھا بھی رہا ہوں۔
انہوں نے کہا کہ میں سیلانی سے کورس مکمل کرنے کے بعد بچوں کو پڑھا کر اپنی تعلیم بانٹ رہا ہوں۔
