لاہور(ویب ڈیسک)پنجاب حکومت کے گرین ای ٹیکسی منصوبہ کیا ہے اور کون یہ ٹیکسی حاصل کر سکتا ہے اہلیت کا معیار بتا دیا ہے۔
نجی ٹی وی کے مطابق پنجاب حکومت نے نوجوانوں کے لیے گرین ای ٹیکسی اسکیم 2025 شروع کی ہے۔ اس منصوبے کے ذریعہ نوجوانوں کو آسان اقساط پر الیکٹرک اور ہائبرڈ ٹیکسیاں فراہم کی جائیں گی۔
اس پروگرام کے ذریعہ نہ صرف نوجوانوں کو مستقل روزگار کا موقع فراہم ہوگا بلکہ پورے صوبے میں ماحول دوست ٹرانسپورٹ کو فروغ بھی حاصل ہوگا۔
اس اسکیم میں شامل ہونے کی اہلیت:
درخواست دہندگان کا پاکستانی شہری (ترجیحاً پنجاب ڈومیسائل) ہونا چاہیے۔ عمر 21 سے 45 سال کے درمیان، کمپیوٹرائزڈ قومی شناختی کارڈ اور ڈرائیونگ لائسنس (جن کی معیاد باقی ہو)۔
یہ منصوبہ کم آمدنی والے طبقے کے لیے ہے۔ مجرمانہ ریکارڈ رکھنے والے، عمر کی حد سے باہر، یا زیادہ آمدنی والے طبقوں سے تعلق رکھنے والے نااہل ہو سکتے ہیں۔
مطلوبہ دستاویزات:
قومی شناختی کارڈ، درست ڈرائیونگ لائسنس، پاسپورٹ سائز کی تصویر، ایڈریس کی تصدیق کے لیے ڈومیسائل یا یوٹیلیٹی بل، اور بینک اکاؤنٹ کی تفصیلات۔
ایک سے زائد گاڑیاں لینے کے خواہشمند درخواست دہندگان کو NTN یا کاروباری معلومات فراہم کرنے کی ضرورت پڑ سکتی ہے۔
درخواست دینے کا طریقہ:
آن لائن درخواست پورٹل پر درخواست دہندگان اپنے CNIC اور فون نمبر کا استعمال کرتے ہوئے خود کو رجسٹر کریں گے، OTP کے ذریعے تصدیق کریں گے، اپنی تفصیلات، آپریشن کا ترجیحی شہر، اور الیکٹرک یا ہائبرڈ ٹیکسی میں کون سی لینا گاڑی لینا چاہتے ہیں، اس کا انتخاب کریں گے۔
ایک بار دستاویزات اپ لوڈ اور منظور ہوجانے کے بعد، کامیاب امیدوار بینک کی دستاویزی کارروائی مکمل کریں گے اور ٹیکسی کے حصول کا شیڈول حاصل کریں گے۔
پنجاب حکومت نے دلچسپی رکھنے والے امیدواروں پر زور دیا ہے کہ وہ اپنی درخواستیں جلد جمع کرائیں۔ کیونکہ گرین ای ٹیکسی سکیم 2025 کی آخری تاریخ کا اعلان سرکاری پورٹل کے ذریعے کیا جائے گا۔
ایڈوانس اور اقساط:
یہ اسکیم سستی قیمت میں مالکانہ حقوق کے ساتھ ڈیزائن کی گئی ہے۔ ایڈوانس قابل ادائیگی اور آسان ماہانہ اقساط ہوں گی (حتمی اعداد وشمار کا اعلان اسکیم لانچنگ کے وقت کیا جائے گا)۔
الیکٹرک اور ہائبرڈ گاڑیوں میں فرق:
الیکٹرک ٹیکسیاں ماحول کو آلودہ کرنے والا دھواں بالکل خارج نہیں کرتیں اور ان کے چلانے کے اخراجات بہت کم ہوتے ہیں، لیکن اس کا باقاعدہ چارجنگ کی ضرورت ہوتی ہے۔ الیکٹرک گاڑیوں کو شہری علاقوں کے لیے بہترین سواری مانا جاتا ہے۔
ہائبرڈ ٹیکسیاں ایک انجن اور ایک الیکٹرک موٹر کو یکجا کرتی ہیں، لہذا آپ چارجرز پر انحصار کیے بغیر لچکدار رینج حاصل کرتے ہیں۔ اس قسم کی گاڑیاں گنجان اور طویل راستوں، اور انٹرسٹی سفر کے لیے مثالی ہیں۔
کون سی گاڑی کتنا کم خرچ ہے؟ اس کے لیے درج ذیل چارٹ دیکھیں:
یہ بھی پڑھیں
