اسلام آباد( اوصاف نیوز)پاکستان تحریک انصاف کے سابق رہنما شیرافضل مروت نے کہا ہے کہ مجھے پارٹی سے نکالے جانے کے بعد پی ٹی آئی مسلسل کمزور ہوئی ہے۔
نجی ٹی وی سے پروگرام میں گفتگو کرتے ہوئے پی ٹی آئی سے نکالے گئے شیرافضل مروت کا کہنا تھا کہ پی ٹی آئی مقبول ترین پارٹی ہے مگر غلط فیصلوں سے غیرمقبول ہورہی ہے، 5 اگست کا جلسہ بھی غلط فیصلوں کی وجہ سے ہی ناکام ہوا۔
انھوں نے کہا کہ خیبر پختونخوا میں جلسے کی کال دی گئی لیکن کوئی مہم نہیں چلائی گئی، عام عوام کو پیغام نہیں دیا گیا کہ جلسے میں ان کی شرکت کیوں ضروری ہے۔
شیرافضل مروت نے کہا کہ وزیر اعلیٰ کےپی علی امین گنڈاپور کو جلسے کی ذمہ داری دی گئی لیکن پھر بھی مہم نہیں چلائی گئی۔
سابق پی ٹی آئی رہنما نے کہا کہ بانی پی ٹی آئی سے ملاقات کے بغیر جلسے کیلئے کوئی مہم نہیں چلاؤں گا، بانی نے خود ملاقات کیلئے طلب کیا تو جاؤں گا، خود کو تھوپنے والا شخص نہیں، بانی سے بطور وکیل مختلف کیسز میں عدالتوں میں ملاقات کرسکتا تھا
شیرافضل نے کہا کہ عوام کو معلوم ہے کون کیا کردار ادا کررہا ہے، پارلیمانی کمیٹی بھی کچھ نہیں کررہی، پی ٹی آئی قیادت کا کوئی ایک فیصلہ بتادیں جو درست ثابت ہوا ہو۔
انھوں نے کہا کہ خیبر پختونخوا کے جلسے میں گیا تو 4 گنا لوگوں کی زیادہ تعداد ہوگی، مقبولیت کی بات نہیں پی ٹی آئی کارکنان میرے واضح مؤقف سے آگاہ ہیں۔
مزید پڑھیں:دہشت گردوں کو افغانستان میں ریاستی سرپرستی حاصل ہے: وزیراعلیٰ سرفراز بگٹی
