اسلام آباد(نیوز ڈیسک)پاکستان پیپلز پارٹی کی سینیٹر پلوشہ خان نے وفاقی وزیر علیم خان سے تلخ کلامی کی اصل وجہ بتادی ہے۔
پلوشہ خان کا کہنا ہے کہ نجی ہاؤسنگ سوسائٹی کو فائدہ پہنچانے والی سڑک سے متعلق سوال پوچھنا میرا حق تھا۔ جب وہ ایجنڈے میں معاملہ شامل کروایا تو اس پر وفاقی وزیر علیم خان کو جواب دینا پڑا، تو وہ بھڑک اٹھے۔ ان کو برا لگا کہ یہ کیوں پوچھا گیا۔ علیم خان سمجھتے ہیں کہ وہ ایک ایماندار آدمی ہیں۔
انہوں نے کہا کہ یہ ایک ایسی سڑک بن گئی ہے جس پر پاکستان کے لوگوں نے اپنا پیسہ لگایا ہے۔ اگر کوئی سوسائٹی اس سے فائدہ اٹھا رہی ہے تو ہم کیوں نہ ان سے سوال کریں؟ جس پر علیم خان بھڑک اٹھے۔
سینیٹر پلوشہ خان اور وزیر مواصلات علیم خان میں سینیٹ کی کمیٹی میں شدید الفاظ کا تبادلہ۔ دیکھتے ہیں کتنے ٹی وی چینلز اس تنازعے کو کوریج دیتے ہیں۔ pic.twitter.com/QT8AMcbFQr
— Riaz ul Haq (@Riazhaq) December 19, 2025
ان کا کہنا تھا کہ وہ روڈ 10 کلو میٹر کے فاصلے سے اسی ہاؤسنگ سوسائٹی سے جا کر ملتی ہے۔ علیم خان نے کہا کہ آپ سب بے ایمان اور بلیک میلر اکٹھے ہو کر ہم سے سوال کرتے ہیں۔ انہوں نے قومی اسمبلی کا حوالہ دیا کہ کسی نے مجھے بتایا کہ یہ لوگ اس وزارت کو سوسائٹی کی طرح چلا رہے ہیں، وہ غصے میں یہاں آئے۔
پلوشہ خان نے کہا کہ شہباز شریف کی کابینہ کے ممبران کا یہ رویہ ہے، ایسے لوگ جن کی پارٹی کوئی نہیں جانتا کہ وہ کس کی ہے اور وہ کہاں سے آئے ہیں۔ اگر وہ سمجھتے ہیں کہ یہاں کسی ایسوسی ایشن کی بنیاد پر ہمیں دھمکائیں گے اور ہم ڈر جائیں گے اور ہم اپنے سوال کرنے کے حق سے پیچھے ہٹ جائیں گے تو ایسا نہیں ہوگا۔
نجی ہاوسنگ سوسائٹی کو فائدہ پہنچانے والی سڑک سے متعلق سوال پوچھنا میرا حق تھا،وہ ایجنڈے میں معاملہ شامل کروایا تو اس پر وفاقی وزی علیم خان کو جواب دینا پڑا تو وہ بھڑک اٹھے،وزیر موصوف کو برا لگا کہ یہ کیوں پوچھا میں ایک ایماندار آدمی ہوں،پیپلز پارٹی سنیٹر پلوشہ خان pic.twitter.com/ChVbw2kzC7
— Ahsan Wahid (@AhsanWahid13) December 19, 2025
یاد رہے کہ وزیر مواصلات علیم خان اور پیپلز پارٹی کی سینیٹر پلوشہ خان کے درمیان کمیٹی اجلاس کے دوران تلخ جملوں کا تبادلہ ہوا ہے جس کی ویڈیو سوشل میڈیا پر وائرل ہو گئی ہے۔
ویڈیو میں علیم خان کہہ رہے ہیں کہ ہمیں جیسا ٹریٹ کیا جائے گا، ہم ویسا ہی جواب دیں گے۔ اگر ہماری ذات پر بات کی جائے گی تو ہم بھی اسی سطح پر جواب دیں گے۔ ہم نے تو اپنا موقف واضح کر دیا ہے لیکن جب ان کی ذات پر بات آئے گی تو ان کے پاس جواب نہیں ہوگا۔ تاہم ہم اس سطح پر گرنا نہیں چاہتے جس پر وہ گر رہے ہیں۔
مزیدپڑھیں:لاہور سیالکوٹ موٹروے ایم 11 شدید دھند کے باعث بند
