عید الفطر 2026 کا اعلان متعدد اسلامی ممالک میں کر دیا گیا ہے جہاں جمعہ کو عید منائی جائے گی۔
خلیجی ممالک میں گزشتہ روز چاند نظر نہ آنے کے باعث رمضان کے 30 روزے مکمل کر لیے گئے۔ اسی وجہ سے عید الفطر 2026 بیس مارچ بروز جمعہ منائی جائے گی۔
سعودی عرب، متحدہ عرب امارات، قطر، کویت، بحرین، عراق، یمن اور لبنان سمیت کئی ممالک نے جمعہ کو عید منانے کی تصدیق کر دی ہے۔ متعلقہ اداروں نے پہلے ہی 30 روزے مکمل ہونے کی صورت میں عید کا عندیہ دیا تھا۔
دوسری جانب پاکستان سمیت کئی ایشیائی ممالک میں آج چاند دیکھنے کا عمل جاری ہے۔ ان ممالک میں ترکیہ، انڈونیشیا، ملائیشیا، برونائی، بھارت، بنگلہ دیش، ایران، عمان، اردن، شام، مصر، لیبیا، تیونس، الجزائر، مراکش اور موریطانیہ شامل ہیں۔
ماہرین کے مطابق ایشیا میں آج چاند نظر آنے کے امکانات کم ہیں۔ اگر ایسا ہوا تو پاکستان میں عید الفطر 2026 ہفتہ کو منائے جانے کا امکان ہے۔
تاہم حتمی فیصلہ سرکاری اعلان کے بعد ہی ہوگا جو شہادتوں کی بنیاد پر کیا جائے گا۔ چاند مغرب کے بعد دیکھا جاتا ہے۔
مختلف ممالک میں چاند دیکھنے کے طریقے بھی مختلف ہوتے ہیں۔ کچھ ممالک روایتی طریقہ اختیار کرتے ہیں جبکہ کچھ فلکیاتی حساب کو بھی مدنظر رکھتے ہیں۔
ماہرین موسمیات کا کہنا ہے کہ جغرافیائی اور موسمی حالات ہر سال چاند کی رویت پر اثر انداز ہوتے ہیں۔ اسی وجہ سے عید مختلف ممالک میں مختلف دنوں میں آ سکتی ہے۔
عید الفطر رمضان کے اختتام پر منائی جاتی ہے اور اس موقع پر عبادات، خوشی اور سماج سرگرمیوں کا اہتمام کیا جاتا ہے۔
