روہڑی ریلوے اسٹیشن پر گورنر سندھ سے متعلق ایک ویڈیو سوشل میڈیا(Social Media) پر وائرل ہونے کے بعد مختلف قیاس آرائیاں سامنے آ رہی ہیں، جن میں دعویٰ کیا جا رہا تھا کہ ہجوم میں ان کے سر سے ٹوپی اتار لی گئی۔
روہڑی سٹیشن پر گورنر سندھ نہال ہاشمی کی ٹوپی اتار لی گئی۔ https://t.co/5GZOXAuEmx pic.twitter.com/1c4oIFTmr1
— Muhammad Zeeshan Awan (@surrakimuhammad) April 23, 2026
سوشل میڈیا پر ویڈیو کے بعد صارفین کی جانب سے مختلف ردعمل سامنے آئے، کچھ نے اسے سیکیورٹی پر سوالیہ نشان قرار دیا جبکہ بعض نے اسے غیر معمولی واقعہ قرار دے کر تشویش کا اظہار کیا۔
تاہم ریلوے ترجمان نے اس معاملے پر وضاحت دیتے ہوئے کہا ہے کہ گورنر سندھ کو روہڑی اسٹیشن پر پرتپاک انداز میں خوش آمدید کہا گیا تھا، جہاں انہیں روایتی اجرک اور سندھی ٹوپی پہنائی گئی۔
سندھ میں کوئی محفوظ نہیں
جنت الفردوس سکھر دن دھاڑے پولیس کی بھاری نگرانی میں گورنر سندھ کی سر سے ٹوپی چوری ہو جائے تو باقی سندھ کا کیا ہوگا۔ گورنر سندھ کو پتہ ہی نہیں چلا 😂😂@majorirfanakbar @Saira_Banokhan @irumrae pic.twitter.com/0HMtLEtw6m— فراز وہاب 🇵🇸 (@FarazWaha786) April 23, 2026
ترجمان کے مطابق ویڈیو میں جو منظر دکھایا جا رہا ہے، اسے غلط انداز میں پیش کیا جا رہا ہے۔ ان کا کہنا ہے کہ گورنر کی اجازت سے ان کے اسٹاف نے بعد میں ٹوپی واپس اتاری تھی، اس میں کسی قسم کی زبردستی یا ناخوشگوار واقعہ پیش نہیں آیا۔
سکھر میں ٹوپی چوری کا واقعہ
گورنر سندھ نہال ہاشمی کے سر سے بھرے مُجمعے میں کسی نے سندھی ٹوپی اُٹھا کے چوری کرلی نہ گورنر کو پتہ چلا نہ ہی مجمعے میں کسی نون لیگ کے ورکر نے نوٹس کیا۔
پولیس نے اس چوری کا نوٹس لے لیا ہ pic.twitter.com/1XNCatmTgI— Dr Shama Junejo (@ShamaJunejo) April 24, 2026
ریلوے حکام نے مزید کہا کہ سوشل میڈیا پر اس واقعے کو سیاق و سباق سے ہٹ کر پیش کرنے سے غلط فہمی پیدا ہو رہی ہے، جبکہ حقیقت میں یہ ایک روایتی اور خوشگوار استقبال کا حصہ تھا۔
روہڑی اسٹیشن پر گورنرسندھ نہال ہاشمی کی ٹوپی سے متعلق سوشل میڈیا پر وائرل ویڈیو پر ترجمان ریلوے نے وضاحت جاری کی ہے۔ ترجمان ریلوے کے مطابق گورنرسندھ نہال ہاشمی کا پرتپاک استقبال کرتے ہوئے انہیں اجرک اور ٹوپی پہنائی گئی تھی۔ نہال ہاشمی کی ٹوپی زبردستی اتارنے کا تاثر غلط ہے۔ گورنر… pic.twitter.com/Uj4g18pZ8J
— Times of Karachi (@TOKCityOfLights) April 24, 2026
یہ معاملہ اس بات کی بھی نشاندہی کرتا ہے کہ سوشل میڈیا پر وائرل ہونے والی ویڈیوز اکثر مکمل صورتحال کے بغیر رائے عامہ کو متاثر کر دیتی ہیں، اس لیے تصدیق کے بغیر کسی نتیجے پر پہنچنا درست نہیں ہوتا۔
