عمران خان سے کوئی ڈیل نہیں ہو رہی، عدالتیں فیصلے سنائیں گی: رانا ثنا اللہ

وزیراعظم کے مشیر رانا ثنا اللہ(Rana Sanaullah) نے واضح کیا ہے کہ عمران خان کے ساتھ کسی قسم کی ڈیل نہیں ہو رہی اور ان کے معاملات مکمل طور پر عدالتوں کے سپرد ہیں۔

میڈیا سے گفتگو کرتے ہوئے رانا ثنا اللہ کا کہنا تھا کہ ملک میں تمام فیصلے قانون اور آئین کے مطابق ہوں گے اور عدالتیں ہی اس حوالے سے حتمی فیصلہ کریں گی۔ انہوں نے کہا کہ پی ٹی آئی اس وقت ذہنی دباؤ اور سیاسی مشکلات کا شکار ہے۔

انہوں نے علاقائی صورتحال پر بات کرتے ہوئے کہا کہ حالیہ کشیدگی میں بھارت کو شکست کا سامنا کرنا پڑا، جبکہ ایران اور امریکا کے درمیان تنازع سیزفائر کی طرف بڑھا ہے۔ ان کے مطابق پاکستان عالمی سطح پر امن کے قیام میں مثبت کردار ادا کر رہا ہے اور امید ہے کہ خطے میں کشیدگی مزید کم ہوگی۔

رانا ثنا اللہ نے سوشل میڈیا پر تنقید کرتے ہوئے کہا کہ کچھ عناصر ذاتی مفادات اور منفی سیاست کے تحت ملک کو نقصان پہنچانے کی کوشش کر رہے ہیں، تاہم عالمی سطح پر پاکستان کی سیاسی اور عسکری قیادت کو سراہا جا رہا ہے۔

ٹیکنو نے پاکستان میں CAMON 50 Ultra 5G لانچ کر دیا، جدید 5G چپ سیٹ اور 50 میگا پکسل سونی کیمرہ متعارف

انہوں نے مزید کہا کہ پاکستان کی تعریف صرف ڈونلڈ ٹرمپ تک محدود نہیں بلکہ سعودی عرب اور ایران بھی پاکستان کے کردار کو سراہ رہے ہیں۔ ان کا کہنا تھا کہ وفاقی اور صوبائی حکومتیں عوام کو ریلیف دینے کے لیے اقدامات کر رہی ہیں اور کوئی بھی بڑا ترقیاتی منصوبہ ختم نہیں کیا جائے گا۔

انہوں نے کہا کہ وزیراعلیٰ مریم نواز عوام سے کیے گئے وعدے پورے کریں گی۔ رانا ثنا اللہ نے مزید کہا کہ “معرکہ حق” کو ایک سال مکمل ہو چکا ہے اور اس کی کامیابی کے بعد دیگر معاملات کی اہمیت کم ہو گئی ہے۔

آخر میں انہوں نے ایک بار پھر دہرایا کہ عمران خان کے حوالے سے کسی قسم کی ڈیل زیر غور نہیں اور تمام معاملات عدالتوں میں زیر سماعت ہیں، جہاں قانون کے مطابق فیصلے کیے جائیں گے۔