لاہور (نیوز ڈیسک)پاکستان تحریک انصاف (پی ٹی آئی) کو 8 فروری کو مینار پاکستان پر جلسہ کرنے کی اجازت نہ مل سکی۔ڈپٹی کمشنر لاہور نے پی ٹی آئی کی مینارپاکستان پرجلسے کی درخواست مسترد کردی ہے۔ذرائع کے مطابق پی ٹی آئی جلسے کے سلسلے میں ڈسٹرکٹ انٹیلی جنس کمیٹی کا اجلاس ہوا۔
پی ٹی آئی کو 8 فروری کو مینارِ پاکستان پر جلسہ کرنے کی اجازت نہ مل سکی ضلعی انتظامیہ لاہور نے پی ٹی آئی کی جانب سے دی جانے والی درخواست پر فیصلہ کردیا۔ڈی سی لاہور نےجلسےکے این او سی کی درخواست اجازت نہ دیتےہوئےمسترد کردی۔فیصلہ امن و امان کی صورتحال کو برقرار رکھنےکے لیے کیا گیا ۔ 8 فروری کو لاہور میں کرکٹ میچ، انٹرنیشنل اسپیکر کانفرنس، اور ہارس اینڈ کیٹل شو جیسے اہم ایونٹس ہیں،لاہور ہائی کورٹ نےضلعی انتظامیہ کو ہدایت کی تھی کہ وہ پی ٹی آئی کی درخواست پر فیصلہ کریں۔ فیصلہ ڈسٹرکٹ انٹیلیجنس کمیٹی کے اجلاس میں طے پایا۔
