ریاض: سعودی وزیر حج و عمرہ توفیق الربیعہ نے عازمین حج کو خبردار کیا ہے کہ حج کے دوران سیاسی نعرے بازی کی اجازت نہیں ہے۔
غیر ملکی میڈیا رپورٹس کے مطابق ریاض میں سعودی وزیر حج توفیق الربیعہ نے صحافیوں سے گفتگو کرتے ہوئے کہا کہ حج عبادت کے لیے ہے کسی سیاسی نعرے کے لیے نہیں، اس لیے حج کے دوران کسی کو سیاسی نعرے لگانے کی اجازت نہیں دی جائے گی۔
Minister of Hajj:
“Hajj is for worship only, not for political slogans.”
pic.twitter.com/TppbfvymnF— Inside the Haramain (@insharifain) June 6, 2024
سعودی وزیر حج نے کہا کہ حج عبادت کی ایک شکل ہے، سعودی حکومت اس بات کو یقینی بنانا چاہتی ہے کہ حج عاجزی، امن اور روحانیت کا اعلیٰ ترین مظہر ہو۔
انہوں نے مزید کہا کہ ہم امن کو یقینی بنانا چاہتے ہیں تاکہ ہر کوئی آسانی سے اپنی رسومات ادا کر سکے۔
