خلیج فارس کے شمالی حصے میں آبنائے ہرمز میں ایرانی کارروائی کے دوران امریکی ملکیتی جہاز سیف سیا کو نشانہ بنانے کی خبر سامنے آئی ہے۔ ایرانی حکام کے مطابق یہ واقعہ علی الصبح پیش آیا جب جہاز نے مبینہ طور پر ایرانی انتباہات نظر انداز کیے۔
ایرانی پاسدارانِ انقلاب کی بحری شاخ نے بتایا کہ علاقے میں گشت کرنے والی ایرانی کشتیوں نے جہاز کو متعدد بار ریڈیو پیغامات اور انتباہی سگنل بھیجے۔ حکام کا کہنا ہے کہ جہاز نے ان ہدایات پر عمل نہیں کیا جس کے بعد کارروائی کی گئی۔
ایران کے مطابق یہ جہاز مارشل آئی لینڈ کے پرچم تلے سفر کر رہا تھا، تاہم اسے امریکا سے منسلک قرار دیا گیا۔ ایرانی حکام کا کہنا ہے کہ جہاز خلیج فارس کے شمالی پانیوں میں اپنی سمت برقرار رکھے ہوئے تھا جس کے بعد اسے نشانہ بنایا گیا۔
واقعے کے بعد ایران نے خلیج فارس اور آبنائے ہرمز سے گزرنے والے تمام تیل بردار اور تجارتی جہازوں کو سخت تنبیہ جاری کی ہے۔ حکام نے کہا کہ اس حساس علاقے میں جہازوں کو ایران کے مقرر کردہ قواعد اور جنگی حالات کی ہدایات پر سختی سے عمل کرنا ہوگا۔
آبنائے ہرمز دنیا کے اہم ترین سمندری راستوں میں شمار ہوتی ہے۔ عالمی تیل کی بڑی مقدار اسی راستے سے گزرتی ہے۔ حالیہ کشیدگی کے بعد عالمی جہاز رانی اور تیل کی ترسیل کے حوالے سے خدشات بڑھ گئے ہیں۔
دوسری جانب خلیجی خطے میں حالیہ دنوں کے دوران کئی جہازوں کو نشانہ بنائے جانے کی اطلاعات بھی سامنے آئی ہیں۔ بعض حملوں میں آگ لگنے اور عملے کے افراد کے ہلاک یا لاپتا ہونے کی خبریں بھی دی گئی ہیں۔
علاقائی حکام کے مطابق بعض حملوں میں دھماکا خیز مواد سے لیس بغیر پائلٹ کشتیوں کا استعمال کیا گیا۔ ماہرین کا کہنا ہے کہ اس طرز کی کارروائیاں سمندری سلامتی کے لیے سنگین خطرہ بن سکتی ہیں۔
تازہ واقعات کے بعد خلیج فارس میں فوجی سرگرمیوں میں اضافہ دیکھا جا رہا ہے۔ عالمی برادری کو خدشہ ہے کہ اگر کشیدگی میں مزید اضافہ ہوا تو بین الاقوامی تجارت اور توانائی کی ترسیل شدید متاثر ہو سکتی ہے۔
Wild!!!! 🔥 Bombastic Iran!!!!! Savage!
Footage shows an Iranian strike hitting the US ship 'Safe Sia' in the northern Persian Gulf this morning. pic.twitter.com/RB21Ky0Sjr
— Sadia A 🇵🇰 (@Dr_SadiaAz) March 12, 2026
