سوشل میڈیا(Social Media) پر وائرل ہونے والی ایک حیران کن کہانی میں دعویٰ کیا جا رہا ہے کہ چار یونیورسٹی ڈراپ آؤٹ دوستوں نے مل کر ایک آرٹیفیشل انٹیلیجنس ایپ تیار کی اور محض چند برسوں میں ارب پتی بن گئے، تاہم اس حوالے سے سامنے آنے والی معلومات کی حقیقت مختلف نکلی ہے۔
وائرل پوسٹس کے مطابق ایک پاکستانی، ایک بھارتی، ایک ہسپانوی اور ایک امریکی نوجوان نے 2022 میں “صفر” سے آغاز کرتے ہوئے Cursor نامی AI ایپ تیار کی، اور 2026 تک ہر پارٹنر کی دولت 1.3 ارب ڈالر تک جا پہنچی۔ مزید یہ دعویٰ بھی کیا جا رہا ہے کہ کمپنی نے Elon Musk کے ساتھ 60 ارب ڈالر کا معاہدہ کیا ہے۔
تاہم تحقیق سے معلوم ہوا ہے کہ ان دعوؤں کی تاحال کسی مستند ذریعے سے تصدیق نہیں ہوسکی۔ ماہرین کے مطابق Cursor ایک حقیقی AI کوڈ ایڈیٹر ہے جسے Anysphere نے تیار کیا، لیکن اس کے بانیوں کے حوالے سے سوشل میڈیا پر گردش کرنے والی کہانی درست معلومات پر مبنی نہیں۔
مزیدپڑھیں:شہریوں کیلئے خوشخبری،عیدالاضحیٰ پر طویل چھٹیوں کا امکان
اسی طرح اربوں ڈالر کی نیٹ ورتھ اور بڑے معاہدے کے دعوؤں کے حوالے سے بھی کوئی قابلِ بھروسہ رپورٹ یا سرکاری اعلان سامنے نہیں آیا۔ تجزیہ کاروں کا کہنا ہے کہ ٹیکنالوجی سے متعلق اس نوعیت کی کہانیاں اکثر مبالغہ آرائی کے ساتھ پیش کی جاتی ہیں تاکہ صارفین کی توجہ حاصل کی جا سکے۔
ماہرین نے عوام کو مشورہ دیا ہے کہ سوشل میڈیا پر وائرل ہونے والی معلومات کو بغیر تصدیق کے درست نہ سمجھا جائے اور ہمیشہ مستند ذرائع سے خبر کی حقیقت جانچ لی جائے۔
*4 یونیورسٹی ڈراپ آؤٹ دوست
*ایک پاکستانی، ایک انڈین، ایک سپین، ایک امریکی
*2022 میں زیرو
*ارٹیفشل انٹیلیجنس ایپ Cursor
*2026 میں ہر پارٹنر کی نیٹ ورتھ 1.3 ارب ڈالر
*ایلون مسک کے ساتھ 60 ارب ڈالر کا معاہدہ pic.twitter.com/G6I1GHQh5W— Abid Jamal Qazi (@AbidJamalQazi) April 23, 2026
