ریاض (اوصاف نیوز) سعودی شہر جدہ اور اس کے گردونواح میں گرج چمک کے ساتھ موسلادھار بارش نے نظام زندگی درہم برہم کردیا۔
عرب میڈیا کے مطابق جدہ میں 135 ملی میٹر بارش ریکارڈ کی گئی جس کے باعث سڑکیں زیر آب آگئیں، کئی علاقوں میں بارش کا پانی جمع ہوگیا اور گاڑیوں کو نقصان پہنچا۔
امدادی اداروں میں ہنگامی حالت نافذ کردی گئی ہے جب کہ پانی نکالنے اور متاثرہ علاقوں کی بحالی کے لیے کام جاری ہے۔
سعودی شہر ینبو میں بھی موسلا دھار بارش نے تباہی مچا دی، کئی عمارتوں کی چھتیں گر گئیں، کئی گاڑیاں ملبے تلے دب گئیں۔
🔵 #السعودية | أمطار غزيرة تُغرق الشوارع وتشل حركة السير في #جدة.. والأرصاد الجوية تمدد الإنذار الأحمر pic.twitter.com/lmYXTA2oht
— تلفزيون المسار – Almasar TV (@almasartvlibya) December 9, 2025
اس کے علاوہ الباساطین میں 81 ملی میٹر اور کنگ عبدالعزیز انٹرنیشنل ایئرپورٹ پر 51 ملی میٹر بارش ریکارڈ کی گئی جب کہ مدینہ اور اس کے گردونواح میں بھی درمیانے درجے کی بارش ریکارڈ کی گئی۔
شدید بارشوں کے باعث نشیبی علاقے اور صحرائی وادیاں سیلابی پانی سے بھر گئیں۔
سعودی محکمہ موسمیات کے مطابق جدہ میں بارش جمعرات تک جاری رہنے کا امکان ہے۔
مزید پڑھیں:بابر اعظم اسٹیو اسمتھ کے ساتھ کھیلنے کے لیے پرجوش
