امریکا (انٹرنیشنل ڈیسک) یو ایس نیول فورسز سینٹرل کمانڈ (سینٹ کام) نے اعتراف کیا ہے کہ آج امریکا کے سب سے بڑے طیارہ بردار بحری جہاز جیرالڈ میں آگ لگ گئی، جس میں دو فوجی زخمی ہوئے۔
امریکی سینٹ کام نے کہا کہ آگ امریکی بیڑے کے لانڈری کے علاقے میں لگی۔
امریکی سینٹ کام نے آگ کو جنگ کے وقت کا واقعہ قرار دیتے ہوئے کہا کہ آگ لگنے کی کوئی جنگی وجہ نہیں تھی اور آگ پر قابو پالیا گیا ہے۔
ایک بیان میں، امریکی سینٹ کام نے کہا کہ آگ لگنے سے دو امریکی ملاح زخمی ہوئے، لیکن یہ زخم جان لیوا نہیں تھے۔
امریکی سینٹ کام کے مطابق امریکی بحری بیڑہ بحیرہ احمر میں مکمل طور پر کام کر رہا ہے۔
مزید پڑھیں:صدرمملکت نے نئے گورنر سندھ تعینات کرنے کی منظوری دیدی، جانیں اہم تفصیلات
