اسلام آباد (نیوز ڈیسک) متنازع مذہبی سکالر اور میڈیا شخصیت مفتی عبدالقوی ایک بار پھر اس وقت خبروں کی زینت بنے جب انہیں مبینہ طور پر ایک ریو پارٹی میں دیکھا گیا جس کے بعد سوشل میڈیا پر شدید ردعمل سامنے آیا ہے۔
مفتی عبدالقوی اس سے قبل بھی قندیل بلوچ کے ساتھ سکینڈل، حج سکینڈل اور حریم شاہ کے ساتھ ویڈیوز سمیت مختلف تنازعات کی وجہ سے خبروں میں رہے ہیں۔
https://www.instagram.com/reel/DXU0xDxolJT/?utm_source=ig_embed&ig_rid=773111c4-315c-49ee-ab4e-1aaa44e21219
رپورٹس کے مطابق ریو ایک ایسی پارٹی ہے جہاں ڈی جے کی تیز موسیقی پر رقص کیا جاتا ہے اور مغربی طرز کا اجتماع منعقد کیا جاتا ہے۔
ایک حالیہ ویڈیو میں مفتی عبدالقوی کو ایک ایسے اجتماع میں اپنے روایتی لباس میں دیکھا گیا، جہاں ڈی جے موسیقی بجا رہا تھا اور شرکاء ان کی طرف اشارہ کر رہے تھے۔
ویڈیو کے وائرل ہونے کے بعد سوشل میڈیا صارفین کی جانب سے طرح طرح کے تبصرے سامنے آئے، ایک صارف نے طنزیہ انداز میں لکھا کہ اس نے مفتی کو جی ٹی اے 6 سے پہلے ہنگامہ کرتے ہوئے دیکھا۔
ایک اور صارف نے تبصرہ کیا کہ قندیل بلوچ ان کے بارے میں درست تھیں۔
مزید پڑھیں:رضوان کی ریٹائرمنٹ سے متعلق وضاحت کردی
