(اوصاف نیوز)عالمی ادارہ صحت کے ڈائریکٹر جنرل ٹیڈروس ادھانوم گیبریسوس نے خبر رساں ادارے “اے ایف پی” کو بتایا ہے کہ ان کے خیال میں ایک بحری سیاحتی جہاز پر ہنٹا وائرس کے پھیلاؤ سے پیدا ہونے والی صورتحال ’’ کووڈ-19 ‘‘ کی وبا کے آغاز جیسی نہیں ہے۔
سیاحتی جہاز “ایم وی ہونڈیوس” ہفتے کے روز سے بین الاقوامی سطح پر صحت کی تشویش کا باعث بنا ہوا ہے جب عالمی ادارہ صحت کو ہنٹا وائرس کے ممکنہ انفیکشن کی وجہ سے تین مسافروں کی ہلاکت کی اطلاع دی گئی تھی۔
یہ نایاب بیماری عام طور پر متاثرہ چوہوں کے ذریعے، خاص طور پر ان کے پیشاب، فضلے اور لعاب کے ساتھ رابطے سے پھیلتی ہے۔ تاہم اس وائرس کی “اینڈیز” قسم، جس سے تین افراد کے متاثر ہونے کی تصدیق ہو چکی ہے، انسانوں کے درمیان منتقل ہونے کی صلاحیت رکھتی ہے۔
قومی بچت مرکز نے اعلان کردیا، 50 ہزار روپے پر ماہانہ کتنا منافع ملے گا؟
جنیوا میں تنظیم کے صدر دفتر میں “اے ایف پی” سے بات کرتے ہوئے گیبریسوس نے صورتحال کی سنگینی کو کم قرار دیتے ہوئے کہا کہ باقی دنیا کے لیے خطرہ فی الحال کم ہے۔ اس سوال کہ آیا تنظیم کووڈ-19 بحران کے آغاز میں ہنگامی حالت کے ساتھ مماثلت دیکھتی ہے، کے جواب میں انہوں نے کہا نہیں، میرا ایسا خیال نہیں ہے۔
انہوں نے مزید کہا کہ وہ اب تک ہنٹا وائرس کی صورتحال پر کمیٹی کا ہنگامی اجلاس بلانے کی ضرورت محسوس نہیں کر رہے۔ اگرچہ انہوں نے اشارہ کیا کہ اٹھائے جانے والے اقدامات پر بحث کے لیے کئی مربوط اجلاس منعقد کیے گئے ہیں۔
بڑی عید پر 6 دن کی چھٹیوں کا اعلان
گیبریسوس نے اس معاملے سے نمٹنے میں کچھ الجھن کی طرف بھی اشارہ کیا۔ خاص طور پر ان تین افراد کے انخلاء کو یقینی بنانے کے حوالے سے جن کے بارے میں خیال کیا جاتا ہے کہ وہ وائرس سے متاثر ہیں اور وہ اتوار سے کیپ ورڈی کے ساحل پر لنگر انداز جہاز کے مسافر ہیں۔
گیبریسوس نے مزید کہا کہ تین مریضوں کو تقریباً صرف دو گھنٹے پہلے ہی نکالا گیا ہے۔ انہوں نے وضاحت کی کہ ان کی ٹیم کے ارکان اس انخلاء کی تیاری کی وجہ سے سوئے نہیں ہیں۔
مشہور بالی ووڈ اداکار اکشے کمار کیلئے دعائوں کی اپیل فلمی دنیا کو خیر آباد کہہ دیا
تینوں مریض ہالینڈ جا رہے ہیں جبکہ توقع ہے کہ جہاز “ایم وی ہونڈیوس” جلد ہی سپین کے کینری جزائر کی طرف روانہ ہو جائے گا۔ گیبریسوس نے بتایا کہ باقی مسافر وہاں سے اپنے اپنے ملکوں کی طرف چلے جائیں گے۔
انہوں نے اعلان کیا کہ طبی عملہ جہاز پر سوار ہوا ہے جن میں عالمی ادارہ صحت کے ملازمین بھی شامل ہیں۔ انہوں نے مزید کہا کہ ہم بحری جہاز پر موجود لوگوں کی نگرانی اور مدد جاری رکھیں گے اور جہاز سے باہر کی صورتحال پر بھی نظر رکھیں گے۔ انہوں نے بات مکمل کرتے ہوئے کہا کہ ہم اپنی پوری کوشش کر رہے ہیں۔
مزید پڑھیں:اسلام آباد میں شوہر کے ہاتھوں بیوی کے قتل کا افسوسناک واقعہ
