اسلام آباد (نیوز ڈیسک) پاسپورٹ کی عالمی درجہ بندی جاری کرنے والے ہینلے پاسپورٹ انڈیکس نے رواں ماہ کے لیے بین الاقوامی پاسپورٹ رینکنگ جاری کر دی ہے جس کے مطابق پاکستانی پاسپورٹ میں کمی کے باوجود 30 ممالک میں ویزا فری سہولیات موجود ہیں۔
گلف نیوز کی رپورٹ کے مطابق ہینلے پاسپورٹ انڈیکس میں مئی 2026 میں پاکستانی پاسپورٹ میں کمی دیکھی گئی تاہم جن ممالک کے لیے مفت ویزا کی سہولت موجود ہے وہ برقرار ہے۔
رپورٹ میں بتایا گیا کہ پاکستانی پاسپورٹ کی رینکنگ رواں سال فروری میں 97ویں پوزیشن پر آگئی تھی جس کے بعد جنوری میں یہ 98ویں اور 2025 میں 103ویں نمبر پر تھا تاہم اب یہ 100ویں نمبر پر آگیا ہے۔
پاکستانی پاسپورٹ میں کمی کے باوجود دنیا کے 30 ممالک کے لیے ویزا فری سروس یا الیکٹرانک ٹریول اتھارٹی (ای ٹی اے) سسٹم تک رسائی جاری رہے گی۔
رپورٹ میں بتایا گیا کہ فروری 2026 میں پاکستانی شہریوں کو 32 ممالک تک رسائی حاصل تھی جب کہ جنوری میں یہ تعداد 31 تھی لیکن یہ تبدیلی گیمبیا کے دوبارہ شامل ہونے کی وجہ سے ہوئی۔
مزید کہا گیا کہ مئی 2026 میں یہ سہولت مزید محدود کر دی گئی اور 30 ممالک کی سطح پر آگئی جو عالمی سطح پر ویزا پالیسیوں اور دو طرفہ سفری انتظامات میں تبدیلی کی عکاسی کرتی ہے۔
جن ممالک میں پاکستان کو ویزہ فری سروس تک رسائی حاصل ہے ان میں بارباڈوس، کوک آئی لینڈ، ڈومینیکا، ہیٹی، مائیکرونیشیا، مونٹسریٹ، روانڈا، سینٹ ونسنٹ اور گریناڈائنز، گیمبیا، ٹرینیڈاڈ اور ٹوباگو اور وانواتو شامل ہیں۔
آمد پر ویزا برونڈی، کمبوڈیا، کیپ وردے، کوموروس، جبوتی، گنی بساؤ، مڈغاسکر، مالدیپ، نیپال، نیو، پلاؤ، ساموا، سینیگال، سیرا لیون، تیمور-لیسٹے اور تووالو میں دستیاب ہے۔
ای ٹی اے والے ممالک میں کینیا، سیشلز اور سری لنکا شامل ہیں، جہاں الیکٹرانک ٹریول اتھارٹی (ETA) درکار ہے۔
واضح رہے کہ ہینلے پاسپورٹ انڈیکس میں انٹرنیشنل ایئر ٹرانسپورٹ ایسوسی ایشن (IATA) کے اعداد و شمار کی بنیاد پر 227 پاسپورٹوں میں سے 199 نمبر پر ہیں، تاہم ان ممالک کی درجہ بندی اس وقت تبدیل ہوتی ہے جب کسی ملک کی ویزا پالیسی تبدیل ہوتی ہے، جو کہ عالمی سفری انتظامات کا مستقل محرک ہے۔
ماہرین کا خیال ہے کہ پاسپورٹ کی درجہ بندی میں تبدیلی سفری آزادی میں اچانک کمی کی بجائے عالمی پالیسی میں تبدیلی کی نشاندہی کرتی ہے۔
رپورٹ میں کہا گیا ہے کہ پاسپورٹ کی درجہ بندی میں تبدیلی کے باوجود پاکستانی شہری درجنوں ممالک میں داخلے کے لیے رعایتی نظام سے مستفید ہوتے رہتے ہیں اور مختصر دوروں کے لیے سہولیات بھی حاصل کرتے رہتے ہیں۔
پاکستان کے پاس ویزا فری اور دیگر سہولیات درج ذیل ممالک میں دستیاب ہیں:
بارباڈوس – ویزا فری،برونڈی – آمد پر ویزا،کمبوڈیا – آمد پر ویزا،کیپ وردے آئس لینڈ – آمد پر ویزا،کوموروس جزائر – آمد پر ویزا،کک جزائر – آمد پر ویزا،جبوتی – آمد پر ویزا،ڈومینیکا – ویزا فری،گنی بساؤ – آمد پر ویزا،ہیٹی – ویزا فری،کینیا – الیکٹرانک سفر کی اجازت،مڈغاسکر – آمد پر ویزا،مالدیپ – آمد پر ویزا،مائیکرونیشیا – ویزا فری،مونٹسیرٹ – ویزا مفت،نیپال – آمد پر ویزا،نیو – آمد پر ویزا،پلاؤ جزائر – آمد پر ویزا،روانڈا – ویزا فری،ساموا – ویزا فری،سینیگال – ویزا فری،سیشلز – الیکٹرانک سفر کی اجازت،سیرا لیون – آمد پر ویزا،سری لنکا – الیکٹرانک سفر کی اجازت،سینٹ ونسنٹ اور گریناڈائنز – ویزا مفت
گیمبیا – ویزا فری،تیمور لیسٹے – آمد پر ویزا،ٹرینیڈاڈ اور ٹوباگو – ویزا فری،تووالو – ویزا فری،وانواتو – ویزا فری
مزید پڑھیں:فضا علی ایک بار پھر سوشل میڈیا پر ٹاپ ٹرینڈ بن گئیں
