عدالت نے پی ٹی آئی کو اسلام آباد میں جلسے کی اجازت دینے کا حکم دیدیا

اسلام آباد(نیوزڈیسک) اسلام آباد ہائی کورٹ نے پاکستان تحریک انصاف (پی ٹی آئی) کو اسلام آباد میں جلسے کی اجازت دینے کا حکم دے دیا۔

اسلام آباد ہائی کورٹ کے چیف جسٹس عامر فاروق نے ضلعی انتظامیہ کو ہدایات جاری کرتے ہوئے کہا کہ جو شرائط عائد کرنی ہیں وہ کریں، کسی کا اسمبلی کا حق نہیں چھینا جا سکتا۔

چیف جسٹس اسلام آباد ہائی کورٹ نے کہا کہ سب نے جلسےکئے، انتظامیہ قواعد و ضوابط اور شرائط طے کرے۔

پی ٹی آئی کے وکیل رہنما شیر افضل مروت نے کہا کہ ہم اب 6 اپریل کو اسلام آباد میں جلسہ کرنا چاہتے ہیں، جس پر چیف جسٹس اسلام آباد ہائی کورٹ نے کہا کہ آپ صرف اس بات کا خیال رکھیں کہ ہنگامہ نہ ہو۔

مزید پڑھیں :  ججزکی جانب سےلکھاگیاخط بارش کاپہلاقطرہ ہے،پی ٹی آئی

حکومتی وکیل نے کہا کہ سیکیورٹی خدشات کے باعث جلسے کی اجازت نہیں دی گئی، پہلے دی گئی اجازت کی خلاف ورزی کی گئی، جس پر جسٹس عامر فاروق نے کہا کہ معمول کی شرائط لگانے میں کوئی حرج نہیں۔ نہیں، غیر معمولی شرائط عائد نہ کریں، معیاری ٹی او آر کے مطابق اجازت دیں۔

جسٹس عامر فاروق نے کہا کہ پچھلے چیف جسٹس بھی اجتماع کی اجازت دیتے رہے ہیں، میں نے بھی حکم دیا ہے۔

سرکاری وکیل نے عدالت سے استدعا کی کہ مجھے ہدایات لینے کے لیے وقت دیا جائے، جس پر چیف جسٹس اسلام آباد ہائی کورٹ نے کہا کہ میں آپ کی رضامندی نہیں مانگ رہا، فیصلہ مجھے کرنا ہے۔

عدالت نے ضلعی انتظامیہ کو ہدایت کی کہ پی ٹی آئی کو اسلام آباد میں جلسے کی اجازت دی جائے۔