کوئٹہ (نیوزڈیسک) بلوچستان کے شہر خضدارکے مصروف بازار میں بم حملے میں کم از کم دو افراد ہلاک اور پانچ زخمی ہو گئے۔ابتدائی اطلاعات کے مطابق زوردار دھماکے سے عمر فاروق چوک لرز اٹھا –
ایک مصروف بازار جہاں لوگ عیدالفطر سے کچھ دن پہلے خریداری کر رہے تھے۔دھماکے کے وقت بازار میں لوگوں خصوصاً خواتین اور بچوں کی بڑی تعداد موجود تھی۔بلوچستان پولیس کے ایک سینئر افسر نے دو افراد کی ہلاکت کی تصدیق کرتے ہوئے کہا کہ دھماکے میں پانچ دیگر زخمی ہوئے۔
مزید یہ بھی پڑھیں:ریشم ، ریشماں اور گلشاد خاتون کے نام سے خطوط ایک ہی شخص نے لکھے ، فورنزک رپورٹ
سیکیورٹی فورسز اور ریسکیورز نے فوری جوابی کارروائی کرتے ہوئے لاشوں اور زخمیوں کو خضدار ٹیچنگ اسپتال منتقل کیا۔پولیس کا کہنا ہے کہ نامعلوم افراد نے عمر فاروق چوک پر ایک موٹر سائیکل پر دیسی ساختہ بم نصب کیا تھا، جسے پھر دور سے اڑا دیا گیا۔اس خبر کے درج ہونے تک کسی گروپ نے دھماکے کی ذمہ داری قبول نہیں کی ہے کیونکہ مزید تحقیقات جاری ہیں۔
