اسلام آباد(نیوزڈیسک) معاشی چیلنجوں اور آئی ایم ایف کے دباؤ کےباوجود وفاقی حکومت اور صوبے مالی سال 2024-25 کے بجٹ پر کام کر رہے ہیں۔آئندہ بجٹ میںسرکاری ملازمین کی تنخواہوں میں 10-12 فیصد اضافے کا اشارہ دیا گیا ہے۔
وزارت خزانہ کی سفارشات کے مطابق حکومت حتمی فیصلے کا اعلان کرے گی۔اگر منظوری دی گئی تو بڑھی ہوئی تنخواہ جولائی 2024 سے نافذ العمل ہو جائے گی، جس میں مہنگائی سے متاثرہ لوگوں کیلئے امید افزا ء اعلان ثابت ہوگا۔بجٹ کے اعلان کا وفاقی اور صوبائی سرکاری ملازمین کو بے صبری سے انتظار ہے
خریداری نہ ہونے کی وجہ سے گندم کی قیمتیں مزید گر گئیں
اس ضمن میں ممکنہ تنخواہ اور پنشن میں اضافہ بھی شامل ہے۔حکومت مہنگائی روکنے کیلئے کام کر رہی ہے، جس کا مقصد 2025 تک 5-7 فیصد کمی کی ہدف کی حد کو حاصل کرنا ہے۔ حالیہ اعداد و شمار ایک مثبت رجحان کو ظاہر کرتے ہیں
ہیڈ لائن افراط زر فروری میں 23.1 فیصد سے کم ہو کر مارچ میں سال بہ سال 20.7 فیصد رہ گئی ہے۔ بنیادی افراط زر بھی فروری میں 18.1 فیصد سے کم ہو کر مارچ میں 15.7 فیصد رہ گیا۔
