پاکستان تحریک انصاف (پی ٹی آئی) کے بانی اور پاکستان کے سابق وزیراعظم عمران خان کو نوبل امن انعام کے لیے نامزد کر دیا گیا ہے۔ یہ اعلان پاکستان ورلڈ الائنس (PWA) کے اراکین نے کیا، جو ناروے کی سیاسی جماعت “پارٹیٹ سینٹرم” سے تعلق رکھتے ہیں۔
یہ پہلا موقع نہیں ہے جب عمران خان کو نوبل امن انعام کے لیے نامزد کیا گیا ہو۔ اس سے قبل 2019 میں بھی عمران خان کو پاکستان اور بھارت کے درمیان امن کے فروغ کے لیے کی جانے والی کوششوں پر نوبل امن انعام کے لیے نامزد کیا گیا تھا۔
پاکستان پارلیمنٹ میں ایک قرارداد پیش کی گئی تھی جس میں عمران خان کے اس فیصلے کو سراہا گیا تھا جس کے تحت انہوں نے بھارتی فضائیہ کے پائلٹ ونگ کمانڈر ابھینندن کو امن کی علامت کے طور پر رہا کیا تھا، تاکہ دونوں ممالک کے درمیان کشیدگی کم ہو سکے۔
ناروے کا نوبل کمیٹی ہر سال سینکڑوں نامزدگیاں وصول کرتی ہے اور چھ ماہ کے اسکریننگ اور فیصلہ سازی کے عمل کے بعد انعام کا اعلان کرتی ہے۔
