جسمانی تکالیف معمول کی بات ہو سکتی ہے، مگر کچھ علامات ایسی ہوتی ہیں جنہیں کبھی نظر انداز نہیں کرنا چاہیے کیونکہ یہ سنگین بیماریوں کی علامت ہو سکتی ہیں۔
جیسے اگر چہرے، بازو یا ٹانگ میں اچانک سن ہونا یا کمزوری محسوس ہو تو یہ فالج کا اشارہ ہو سکتا ہے، جبکہ سینے میں دباؤ، جلن یا درد جو بازو، گردن یا جبڑے تک جائے، دل کے دورے کی علامت ہو سکتی ہے۔ پیشاب میں خون آنا گردوں کی پتھری یا انفیکشن کی نشانی ہو سکتا ہے، اور سانس لیتے وقت خرخراہٹ دمہ یا پھیپھڑوں کے مرض کا پتہ دے سکتی ہے۔ اسی طرح ٹانگ میں سوجن، درد اور گرمی محسوس ہونا بلڈ کلاٹ کا خطرہ ظاہر کرتا ہے، جو جان لیوا ہو سکتا ہے۔ پسینے کی غیر معمولی زیادتی، خاص طور پر بغیر جسمانی سرگرمی کے، بھی دل یا اعصابی نظام کے مسائل کی جانب اشارہ ہو سکتی ہے۔ ایسی علامات کی صورت میں فوری طور پر ڈاکٹر سے رجوع کرنا نہایت ضروری ہے کیونکہ بروقت تشخیص اور علاج زندگی بچا سکتا ہے۔
