دسمبر کی تنخواہیں اور پنشن! ملازمین کے لیے بڑی خوشخبری

کوئٹہ(ویب ڈیسک) ملازمین کیلئے دسمبر کی تنخواہیں اور پنشن معمول سے قبل جاری کرنے کا اعلان کردیا گیا۔

تفصیلات کے مطابق بلوچستان حکومت نے صوبے بھر کے مسیحی ملازمین اور پنشنرز کے لیے اہم فیصلہ کرتے ہوئے دسمبر 2025 کی تنخواہیں اور پنشن پیشگی جاری کرنے کا اعلان کر دیا ہے تاکہ وہ 25 دسمبر کو آنے والے کرسمس کے تہوار کی تیاری باآسانی کر سکیں۔

سرکاری اعلامیے میں کہا گیا کہ تنخواہیں اور پنشن جو معمول کے مطابق یکم جنوری 2026 کو جاری ہونی تھیں، اب 22 دسمبر 2025 کو ادا کی جائیں گی۔

حکومتی فیصلے کا مقصد مسیحی ملازمین کو معاشی سہولت فراہم کرنا ہے تاکہ وہ کرسمس کی خوشیوں میں کسی مالی پریشانی کے بغیر شریک ہو سکیں۔

قبل از وقت ادائیگی سے مسیحی خاندان تہوار کی تیاریوں، تحائف کی خریداری اور دیگر روایتی سرگرمیوں کو زیادہ آسانی سے انجام دے سکیں گے۔

دوسری جانب وفاقی حکومت نے بھی تعطیلات کا اعلان کر رکھا ہے، جس کے تحت 25 دسمبر 2025 کو یومِ قائد اعظم اور کرسمس کے موقع پر عام تعطیل ہوگی، جبکہ 26 دسمبر کو مسیحی ملازمین کے لیے خصوصی کرسمس کی چھٹی دی جائے گی۔

حکومتی اقدام کو اقلیتی برادری کی فلاح و بہبود کی جانب ایک مثبت اور خیال رکھنے والا قدم قرار دیا جا رہا ہے۔

بلوچستان میں دیگر حصوں کی طرح کرسمس مذہبی و ثقافتی اہمیت رکھتا ہے، اور پیشگی تنخواہوں کی ادائیگی سے مسیحی ملازمین کیلئے تہوار منانا مزید سہل ہو جائے گا۔
40مزیدپڑھیں: ہزار روپے کے پریمیم پرائز بانڈ رکھنے والے تیار ہوجائیں! بڑی خبر آگئی