اسلام آباد (نیوز ڈیسک) امریکا نے پاکستان کے ساتھ مشترکہ فوجی مشق انسپائرڈ گیمبٹ کو دفاعی تعلقات میں جہت قرار دے دیا ہے۔
پاکستان اور امریکی افواج کی مشترکہ مشق انسپائرڈ گیمبٹ اور دفاعی شراکت داری مزید مستحکم ہوگئی۔ امریکی سینٹرل کمانڈ کے آفیشل ایکس اکاؤنٹ پر مشترکہ فوجی مشق سے متعلق اہم بیان جاری کیا گیا ہے۔
رواں ہفتے امریکی و پاکستانی افواج نے نیشنل کاؤنٹر ٹیررازم سینٹر پبی میں فوجی مشق میں تربیت مکمل کی۔
امریکی سینٹرل کمانڈ (سینٹ کام) نے ایکس پر بیان میں کہا کہ مشترکہ فوجی مشق میں انفنٹری کی مہارتوں اور جدید حکمت عملیوں پر توجہ دی گئی، اس میں انسداد دہشتگردی کی کارروائیوں پر خصوصی توجہ مرکوز کی گئی۔
This week, U.S. and Pakistan Army Soldiers completed training at Pakistan's National Counter-Terrorism Center during Exercise Inspired Gambit, which focused on combined infantry skills and tactics, and counterterrorism operations. Training exercises like this between the U.S. and… pic.twitter.com/z8eZNvPKLS
— U.S. Central Command (@CENTCOM) January 16, 2026
سینٹ کام نے کہا کہ مشق نے دونوں ممالک کی افواج کے درمیان باہمی اعتماد، ہم آہنگی اور تعاون کو مضبوط کیا ہے۔
انسپائرڈ گیمبٹ مشق 8 سے 16 جنوری 2026 تک منعقد کی گئی۔ 2 ہفتے پر مشتمل مشق میں انسداد دہشتگردی پر توجہ مرکوز کی گئی تھی۔
انسپائرڈ گیمبٹ 1995 سے جاری دوطرفہ تربیتی سلسلے کی 13ویں کڑی ہے، امریکا اور پاکستان کی مشترکہ تربیتی مشقیں دیرینہ دفاعی تعلقات کا مظہر ہیں۔
مزیدپڑھیں:سستی ترین اشیاء، پنجاب حکومت نے شہریوں کو ایک اور خوشخبری سنادی!
