پی ٹی آئی ممبران اسمبلی کا پارلیمنٹ ہاؤس میں جھگڑا،ویڈیو وائرل

اسلام آباد(ویب ڈیسک)پاکستان تحریک انصاف (پی ٹی آئی)کے ممبران قومی اسمبلی اقبال آفریدی اور خرم شہزاد کا پارلیمنٹ ہاؤس میں جھگڑا ہوگیا جس کی ویڈیو بھی سوشل میڈیا پر وائرل ہوگئی۔ ویڈیو میں دیکھا جاسکتا ہے کہ دونوں ایک دوسرے کو دھمکیاں دے رہے ہیں، اقبال آفریدی نے کہا کہ آپ پارٹی نہیں چلا رہے آپ ٹاؤٹ ہیں۔

اُنگلی نیچے کرو، آپ لوگ پارٹی نہیں چلا رہے۔ آپ ٹاؤٹ ہو، پی ٹی آئی ارکین قومی اسمبلی آپس میں لڑ پڑے pic.twitter.com/qjnVPP7myg

— Zubair Ali Khan (@ZubairAlikhanUN) January 23, 2026

اس موقع پر پی ٹی آئی چیئرمین بیرسٹر گوہر صلح کروانے آئے تو اقبال آفریدی نے بیرسٹر گوہر کو بھی سنا دیں اور کہا کہ سب آپ کی غلطی ہے آپ نے غنڈے پال رکھے ہیں ہمیں بدنام کرنے کے لیے۔ بعدازاں خرم شہزاد اور اقبال آفریدی میں صلح ہو گئی،خرم شہزاد کا کہنا تھا کہ اقبال میرا بڑا بھائی ہے، پارٹی میں ہم ایک گھرانے کی طرح ہیں، تحفظات دور ہو گئے ہیں، جمہوریت کےلئے ہم سب اکٹھے ہیں۔
مزیدپڑھیں:منشیات سمگلنگ کی کوشش ، سعودی عرب میں پاکستانی کو سزائے موت