کراچی: پاکستان میں بغیر ڈرائیور گاڑی منصوبے میں اہم پیش رفت ہوئی ہے جہاں این ای ڈی یونیورسٹی آف انجینیئرنگ اینڈ ٹیکنالوجی کے انجینیئرز نے مصنوعی ذہانت سے چلنے والی گاڑی کی کامیاب آزمائش مکمل کر لی۔
پاکستان میں بغیر ڈرائیور گاڑی ایک جدید نظام ہے جس میں گاڑی انسان کے بغیر خود چلتی ہے اور فیصلے مصنوعی ذہانت کرتی ہے۔
یہ منصوبہ نیشنل سینٹر آف آرٹیفیشل انٹیلیجنس کے تحت اسمارٹ سٹی لیب میں تیار کیا گیا۔ ماہرین نے ایک مکمل خودکار الیکٹرک گاڑی تیار کی ہے۔
ماہرین کے مطابق یہ کوئی عام گاڑی نہیں بلکہ ایک ذہین مشین ہے جو بغیر تھکے مسلسل کام کر سکتی ہے۔
گاڑی میں نصب کمپیوٹر سسٹم سینسرز، کیمروں اور جدید جی پی ایس سے ڈیٹا حاصل کرتا ہے۔ یہ معلومات فوراً پراسیس ہو کر فیصلوں میں بدل جاتی ہیں۔
یہ گاڑی اصل میں درآمد کی گئی تھی جسے بعد میں مقامی سطح پر جدید تقاضوں کے مطابق تبدیل کیا گیا۔
فی الحال پاکستان میں بغیر ڈرائیور گاڑی کو یونیورسٹی کے کیمپس میں ٹیسٹ کیا جا رہا ہے جہاں اسے تربیت دی جا رہی ہے۔
یہ گاڑی ایک چارج پر تقریباً 200 کلومیٹر سفر کر سکتی ہے جبکہ اس کے سسٹمز 8 سے 9 گھنٹے تک بیک اپ فراہم کرتے ہیں۔
گاڑی میں جدید سینسرز، کیمرے اور جی پی ایس نصب ہیں جو اسے اردگرد کے ماحول کو سمجھنے میں مدد دیتے ہیں۔
فی الحال اس کی رفتار 20 کلومیٹر فی گھنٹہ رکھی گئی ہے مگر یہ سڑک کے مطابق رفتار خود بدل سکتی ہے۔
ماہرین کے مطابق اس منصوبے کا مقصد پاکستان میں جدید ٹیکنالوجی کو فروغ دینا اور عالمی معیار کی مصنوعات تیار کرنا ہے۔
