اسلام آباد(islamabad) اور راولپنڈی(rawalpindi) میں 20 اپریل کو دفاتر بند ہونے سے متعلق سوشل میڈیا پر گردش کرنے والا نوٹیفکیشن(notification) جعلی قرار دے دیا گیا ہے، جبکہ ضلعی انتظامیہ نے واضح الفاظ میں اس کی تردید کر دی ہے۔
ضلعی انتظامیہ کے مطابق ڈپٹی کمشنر آفس کے نام سے ایک فرضی اعلامیہ سوشل میڈیا پر وائرل کیا جا رہا ہے جس میں دعویٰ کیا گیا ہے کہ جڑواں شہروں میں 20 اپریل کو دفاتر بند رہیں گے۔ تاہم انتظامیہ نے اس خبر کو بے بنیاد اور گمراہ کن قرار دیتے ہوئے کہا ہے کہ اس قسم کا کوئی سرکاری حکم نامہ جاری نہیں کیا گیا۔
انتظامیہ نے شہریوں کو ہدایت کی ہے کہ وہ غیر مصدقہ اور سوشل میڈیا پر پھیلنے والی افواہوں پر یقین نہ کریں اور کسی بھی اطلاع کی تصدیق صرف سرکاری ذرائع سے کریں۔ اس کے ساتھ ہی یہ بھی واضح کیا گیا ہے کہ اسلام آباد اور راولپنڈی میں معمولات زندگی حسبِ معمول جاری رہیں گے اور دفاتر معمول کے مطابق کھلے رہیں گے۔
مزیدپڑھیں:سہیل آفریدی کامردان کے لیے 50 ارب روپے کے ترقیاتی پیکج کا اعلان
ضلعی انتظامیہ کے مطابق سرکاری سطح پر کسی بھی قسم کی چھٹی کا اعلان نہیں کیا گیا، اور 20 اپریل کو تمام سرکاری ادارے معمول کے مطابق کام کریں گے۔ جعلی نوٹیفکیشن کو مکمل طور پر مسترد کرتے ہوئے حکام نے کہا ہے کہ ایسے اقدامات عوام میں غیر ضروری الجھن اور بے چینی پیدا کرتے ہیں۔
انتظامیہ نے مزید کہا کہ جعلی خبریں پھیلانے والوں کے خلاف قانونی کارروائی کی جا سکتی ہے، اس لیے شہری ذمہ داری کا مظاہرہ کریں اور صرف مستند ذرائع سے معلومات حاصل کریں۔
