ایشیائی ترقیاتی بینک کی سالانہ ایشین ڈویلپمنٹ آؤٹ لک رپورٹ 2024 جاری کر دی گئی۔
ایشیائی ترقیاتی بینک کی سالانہ آؤٹ لک رپورٹ میں کہا گیا ہے کہ ایشیائی ممالک میں مقامی طلب اور ترقی، برآمدات اور سیاحت میں اضافے کے باعث خطے کی شرح نمو 4.9 فیصد رہنے کی توقع ہے جب کہ خطے میں مہنگائی کی لہر میں کمی آئے گی۔
رپورٹ کے مطابق چین کی شرح نمو 4.8 فیصد ہے جبکہ ہندوستان کی شرح نمو 7 فیصد رہنے کا امکان ہے۔ سیاسی بے یقینی اور سیلاب کی وجہ سے پاکستان کی معیشت سکڑ گئی ہے۔ اگر اس پر عملدرآمد ہو گیا تو اس سال سے معاشی بحالی کا عمل شروع ہو جائے گا۔
ایشیائی ترقیاتی بینک کی رپورٹ میں رواں مالی سال میں پاکستان کی شرح نمو 1.9 فیصد رہنے کی پیش گوئی کی گئی ہے اور سیاسی عدم استحکام کو معاشی بحالی اور اصلاحات کے لیے بڑا چیلنج قرار دیا گیا ہے۔
رپورٹ کے مطابق پاکستان کو بیرونی ادائیگیوں کے لیے بین الاقوامی مالیاتی اداروں اور دوست ممالک پر انحصار کرنا پڑے گا اور پاکستان کو خواتین کی مالی شمولیت کے لیے اقدامات کی ضرورت ہے۔
ایشیائی ترقیاتی بینک کی رپورٹ میں کہا گیا ہے کہ رواں مالی سال زرعی پیداوار اور صنعتی شعبے میں بہتری کی توقع ہے جب کہ تعمیراتی شعبے کی ترقی لاگت میں اضافے اور ٹیکسوں میں اضافے سے متاثر ہوئی ہے۔
آؤٹ لک رپورٹ میں کہا گیا ہے کہ آئندہ مالی سال میں پاکستان کی شرح نمو 2.8 فیصد رہنے کا تخمینہ لگایا گیا ہے جبکہ رواں مالی سال مہنگائی کی شرح 25 فیصد کی بلند سطح پر رہنے کا اندازہ ہے، مہنگائی میں کمی کا امکان ہے۔ آئندہ مالی سال اور مہنگائی کی شرح 15 فیصد تک پہنچ جائے گی۔
رپورٹ کے مطابق آئندہ سال اشیائے خوردونوش کی قیمتیں مستحکم ہوں گی تاہم آئی ایم ایف پروگرام کے تحت توانائی کی قیمتوں میں اضافے کے باعث مہنگائی بلند رہے گی۔
