ممبئی(نیوزڈیسک) بالی ووڈ کوئین کترینہ کیف ایک بار پھر مصنوعی ذہانت (AI) کا شکار ہوگئیں کیونکہ ان کی ایک اور ڈیپ فیک ویڈیو وائرل ہوگئی ۔AI سے تیار کردہ ویڈیو میں ورسٹائل اداکارہ کو فرانسیسی زبان میں ایک تقریب میں تقریر کرتے ہوئے دیکھا جا سکتا ہے۔
وہ سینئر اداکارہ بینا کاک کے بارے میں بات کر رہی ہیں، جنہوں نے ایک فلم میں نے پیار کیوں کیا میں اہم کردار ادا کیا تھا، جس میں وہ خود اور سلمان خان تھے۔
توشہ خانہ کیس، بانی پی ٹی آئی کے خلاف نئی تحقیقات شروع
ویڈیو کے وائرل ہوتے ہی سوشل میڈیا صارفین نے اسے اصلی کے طور پر لیا اور ایک تھا ٹائیگر اسٹار کی فرانسیسی زبان میں مہارت کی تعریف کی۔ تاہم، کچھ لوگوں نے نشاندہی کی کہ یہ ویڈیو مصنوعی ذہانت (AI) کا استعمال کرتے ہوئے بنائی گئی ہے۔
کترینہ کیف کے فین پیج نے وضاحت کی کہ یہ ویڈیو اصلی ہے اور اسے 2019 میں فلمایا گیا تھا جب کترینہ اور سلمان خان نے ممبئی میں بینا کاک کی کتاب کی رونمائی میں شرکت کی تھی۔ لیکن اس نے واضح کیا کہ کترینہ نے سینئر اداکارہ کے بارے میں فرانسیسی نہیں انگریزی زبان میں بات کی تھی۔
اس میں کہا گیا ہے کہ AI سے تیار کردہ ویڈیو میں کترینہ کی تقریر کا فرانسیسی ترجمہ دکھایا گیا ہے۔ویڈیو پر تبصرہ کرتے ہوئے کچھ صارفین نے اے آئی کوّانتہائی خطرناک قرار دیتے ہوئے کہا کہ یہ عام لوگوں سے لے کر مشہور شخصیات تک سب کے لیے خطرہ ہے۔نومبر 2023 میں، بھارتی اداکارہ کی کچھ غیر اخلاقی AI سے تیار کردہ تصاویر انٹرنیٹ پر شیئر کی گئیں۔
