نئی دہلی(نیوز ڈیسک) جس عمر میں زیادہ تر لوگ گھر پر بیٹھ جاتے ہیں، نینا گپتا اپنی اداکاری کی مہارت سے ناظرین کو مسحور کر رہی ہیں۔ وہ سیریز ‘پنچایت’ کے سیزن 4 میں منجو دیوی کے طور پر واپس لوٹ رہی ہیں، جو 2 جولائی سے پرائم ویڈیو پر نشر ہوگی۔ ان کے فلمی سفر سے زیادہ، ان کی ذاتی زندگی ایک رولر کوسٹر رائیڈ کی طرح رہی۔
نینا گپتا نے 80 کی دہائی میں فلموں میں قدم رکھا تھا۔ پھر انہوں نے ٹی وی کا رخ کیا۔ وہ ہر گھر میں پہچانی جانے لگی۔ لیکن ایک وقت ایسا بھی آیا جب وہ ویوین رچرڈز کے ساتھ اپنے عشق کی وجہ سے خبروں میں رہیں۔ اس وقت بغیر شادی کے ماں بننا بڑی ہمت کی بات تھی، جو نینا گپتا کے پاس وافر مقدار میں ہے۔
نینا گپتا کی ذاتی زندگی آج بھی لوگوں کا دھیان کھینچتی ہے۔ انہوں نے اپنا دل دنیا کے سب سے دھماکہ خیز بلے باز کو دیا تھا اور شادی سے پہلے ہی حاملہ ہو گئی تھیں۔ معاشرے اور خاندان کے طعنوں سے خوفزدہ ہوئے بغیر انہوں نے بچے کو اپنایا اور کبھی اسقاط حمل کا سوچا تک بھی نہیں۔
نینا گپتا اپنی محبت کے لیے دنیا سے لڑنے کے لیے تیار تھیں، جس کا آغاز 1980 میں اس وقت ہوا جب لیجنڈ کرکٹر ویوین رچرڈز ہندوستان کے دورے پر آئے اور اداکارہ نینا گپتا کی محبت میں گرفتار ہو گئے۔ نیوز 18 بنگالی کی ایک رپورٹ کے مطابق کرکٹر نے نینا سے شادی کرنے سے پہلے ہی باپ بننے کا فیصلہ کر لیا تھا۔
مزیدپڑھیں:ملک کے بیشتر حصوں میں بارشوں کی پیشگوئی،موسمیات نے نوید سنادی
