ٹوکیو(سپورٹس ڈیسک)ٹوکیو کے ’کوراکوئن ہال‘ میں ایک ہی کارڈ پر ہونے والے الگ الگ مقابلوں میں دماغی چوٹیں لگنے کے باعث 2 جاپانی باکسر جاں بحق ہو گئے۔
سی این این کی رپورٹ کے مطابق 28 سالہ شیگے توشی کوٹاری، 2 اگست کو اورینٹل اینڈ پیسیفک باکسنگ فیڈریشن جونیئر لائٹ ویٹ چیمپئن یاماتو ہاتا کے خلاف 12 راؤنڈ کا ڈرا مکمل کرنے کے فوراً بعد گر پڑے تھے۔
ان کی سب ڈورل ہیماٹوما (یعنی دماغ اور کھوپڑی کے درمیان خون جمع ہونے) کے علاج کے لیے ایمرجنسی برین سرجری کروائی گئی، لیکن وہ جمعے کو انتقال کر گئے۔
ورلڈ باکسنگ آرگنائزیشن نے سوشل میڈیا پر کہا کہ ’ریسٹ ان پیس ، شیگے توشی کوٹاری، باکسنگ دنیا جاپانی فائٹر شیگے توشی کوٹاری کی المناک موت پر سوگوار ہے، جو 2 اگست کے اپنے ٹائٹل فائٹ کے دوران لگنے والی چوٹوں سے چل بسے۔
Rest in peace, Shigetoshi Kotari 🕊️
The boxing world mourns the tragic passing of Japanese fighter Shigetoshi Kotari, who succumbed to injuries sustained during his August 2nd title fight.
A warrior in the ring. A fighter in spirit. Gone too soon.
Our thoughts and prayers are… pic.twitter.com/PjZtDyBIU2
— WBO (@WorldBoxingOrg) August 8, 2025
بیان میں مزید کہا گیا کہ رِنگ میں ایک جنگجو، روح میں ایک فائٹر، بہت جلد ہم سے بچھڑ گئے، ہماری دعائیں اور ہمدردیاں ان کے خاندان، ٹیم اور پوری جاپانی باکسنگ کمیونٹی کے ساتھ ہیں۔
ہفتے کے روز، ایک اور 28 سالہ باکسر ہیروماسا اُراکاوا دماغی چوٹ سے جاں بحق ہو گئے، جو انہیں یوجی سائتو سے ناک آؤٹ شکست کے دوران لگی تھی، ان کی جان بچانے کے لیے کرینیوٹومی (کھوپڑی کا آپریشن) کیا گیا، مگر وہ زندگی کی بازی ہار گئے۔
The WBO mourns the passing of Japanese boxer Hiromasa Urakawa, who tragically succumbed to injuries sustained during his fight against Yoji Saito on August 2 at Korakuen Hall in Tokyo.
This heartbreaking news comes just days after the passing of Shigetoshi Kotari, who died from… pic.twitter.com/CDzoSmKU2d
— WBO (@WorldBoxingOrg) August 9, 2025
ڈبلیو بی او نے ایک اور سوشل میڈیا پوسٹ میں کہا کہ یہ دل توڑ دینے والی خبر شیگے توشی کوٹاری کی موت کے چند ہی دن بعد آئی ہے، جو اسی کارڈ میں ہونے والی فائٹ کے دوران زخمی ہوئے تھے، ہم اس کٹھن وقت میں متاثرہ خاندانوں، دوستوں اور جاپانی باکسنگ کمیونٹی کے ساتھ ہیں۔
اس واقعے کے بعد جاپانی باکسنگ کمیشن نے اعلان کیا ہے کہ اب تمام او پی بی ایف ٹائٹل مقابلے 12 کے بجائے 10 راؤنڈز پر مشتمل ہوں گے۔
اس سال کے اوائل میں آئرش باکسر جان کونی بھی انتقال کر گئے تھے، جو سیلٹک سپر فیذر ویٹ ٹائٹل میں ناتھن ہاولز سے شکست کے بعد ایک ہفتے تک آئی سی یو میں رہے تھے۔
