لاہور،اسلام آباد(نیوز ڈیسک) ملک کے مختلف شہروں میں کہیں ہلکی اور کہیں تیز بارش سے موسم خوشگوار ہو گیا۔ تفصیلات کے مطابق ملک کے مختلف علاقوں میں گزشتہ رات ہو نے والی بارش سے موسم خوشگوار ہو گیا ، لاہور میں قائداعظم انڈسٹریل اسٹیٹ، ٹاؤن شپ، مولانا شوکت علی روڈ، پیکو روڈ، کچہ جیل روڈ اور کوٹ لکھپت سمیت اطراف کے علاقوں میں بارش کے بعد ٹھنڈی ہوائیں چلنے لگیں، جس سے درجہ حرارت میں واضح کمی ریکارڈ کی گئی۔
محکمہ موسمیات کے مطابق اس وقت شہر کا موجودہ درجہ حرارت 30 ڈگری سینٹی گریڈ ریکارڈ کیا گیا ہے، جبکہ ہوا میں نمی کا تناسب 53 فیصد ہے۔ ہوا کی رفتار تقریباً 6 کلومیٹر فی گھنٹہ بتائی گئی ہے۔ مزید بتایا گیا ہے کہ شہر کا زیادہ سے زیادہ درجہ حرارت 36 ڈگری سینٹی گریڈ تک جانے کا امکان ہے، جبکہ کم سے کم درجہ حرارت 28 ڈگری سینٹی گریڈ رہنے کی توقع ہے۔
محکمہ موسمیات کا کہنا ہے کہ بارش کا یہ سلسلہ وقفے وقفے سے آئندہ چند گھنٹوں تک جاری رہ سکتا ہے۔
مزید پڑھیں۔قطر کے ایل این جی اسٹیشن میں دھماکا، 54 افراد زخمی، 18 لاپتا
