مسجدِ الحرام کے اوپر چاند 28 فروری 2026 کی رات مکہ مکرمہ میں دکھائی دے گا۔ یہ منفرد فلکیاتی منظر رات 10 بج کر 24 منٹ 40 سیکنڈ پر پیش آئے گا۔
اس وقت چاند مقامی میریڈین لائن عبور کرے گا۔ اس کی بلندی تقریباً 90 درجے ہوگی۔ یعنی وہ خانہ کعبہ کے عین اوپر اپنے بلند ترین مقام پر ہوگا۔
ماہرین فلکیات کے مطابق اس مظہر کو تعامدِ قمر کہا جاتا ہے۔ یہ اس وقت ہوتا ہے جب چاند کا جھکاؤ کسی مقام کے عرض البلد کے برابر ہو جائے۔
اس موقع پر دنیا کے کسی بھی حصے سے چاند کی سمت دیکھ کر قبلہ کا درست تعین کیا جا سکتا ہے۔
ماہرین کا کہنا ہے کہ اس وقت چاند زمین سے تقریباً تین لاکھ چوہتر ہزار کلومیٹر کے فاصلے پر ہوگا۔ اس کی روشنی تقریباً 91 فیصد ہوگی، جس کی وجہ سے وہ تقریباً مکمل چاند کی طرح نظر آئے گا۔
صاف اور تاریک مقامات پر اسے کھلی آنکھ سے دیکھا جا سکتا ہے۔ دوربین کے ذریعے یہ منظر مزید واضح دکھائی دے گا۔
یہ منظر سائنسی اہمیت کے ساتھ ساتھ دینی رہنمائی کے لیے بھی اہم سمجھا جا رہا ہے۔
