اسلام آباد (نیوزڈیسک)سیکیورٹی فورسز نے رات گئے بلوچستان کے علاقے تربت کے قریب نیول ایئر بیس پر مسلح دہشت گردوں کے حملے کو ناکام بنا دیا، اس دوران علاقہ گولیوں اور دھماکوں سے لرز اٹھا۔
مکران کے کمشنر نے بتایا کہ تربت ایئرپورٹ کے آس پاس سے شدید فائرنگ اور دھماکوں کی اطلاعات موصول ہوئی ہیں۔
انہوں نے کہا کہ مسلح افراد نے ہوائی اڈے کے 3 اطراف سے حملہ کیا لیکن سیکورٹی فورسز نے فوری جواب دیا اور دراندازی کی کوشش کو ناکام بنا دیا۔
تاہم، انھوں نے واقعے کے دوران ہونے والی ہلاکتوں کے بارے میں کوئی اعداد و شمار فراہم نہیں کیے، یہ کہتے ہوئے بتایاکہ جب تک اخبار شائع ہوا، کوئی بھی مردہ یا زخمی ڈسٹرکٹ اسپتال نہیں لایا گیا تھا۔
مزید پڑھیں: سرکل آفیسراینٹی کرپشن سیالکوٹ کی بڑی کارروائی، سرکاری افسرکو رشوت لیتے ہوئے رنگے ہاتھوں گرفتارکرلیا
بتایا جا رہا ہے کہ حملے کا ہدف پی این ایس صدیق تھا ،جو ملک کے سب سے بڑے نیول ایئر سٹیشنز میں سے ایک ہے۔
سیکیورٹی حکام کا کہنا تھا کہ گزشتہ رات تربت ایئرپورٹ کی حدود سے 6 دہشت گردوں کو ہلاک کرکے ایئرپورٹ کی سیکیورٹی کو یقینی بنایا گیا۔
انہوں نے مزید بتایا کہ ایف سی کے سپیشل آپریشنز ونگ اور نیوی کے سپیشل سروسز گروپ نے کامیابی سے دہشت گردوں کو دراندازی سے روکا، اور حساس بحری تنصیبات کو نقصان کی کوئی اطلاع نہیں ہے۔
مقامی لوگوں نے بتایا کہ تربت شہر میں ایک درجن سے زائد دھماکوں کی آوازیں سنی گئیں، فائرنگ رات 10 بجے کے قریب شروع ہوئی اور رات گئے تک جاری رہی۔
کالعدم بلوچستان لبریشن آرمی (بی ایل اے) نے دعویٰ کیا کہ اس حملے کے پیچھے اس کی مجید بریگیڈ کا ہاتھ تھا، تاہم پاکستانی فوج کے شعبہ تعلقات عامہ (آئی ایس پی آر) نے اس خبر کی تردید کی جب تک اسے اخبار کو اشاعت کے لیے نہیں بھیجا گیا۔ اس حوالے سے حکومت بلوچستان کی جانب سے کوئی باضابطہ بیان جاری نہیں کیا گیا ہے۔
