لاہور( اوصاف نیوز)پاکستان کرکٹ بورڈ (پی سی بی) نے 2025-26 کے سیزن کے لیے ڈومیسٹک کرکٹ کے معاہدوں کا اعلان کر دیا ہے۔ اس سال مجموعی طور پر 157 ڈومیسٹک کرکٹرز کو کنٹریکٹ دیا گیا ہے۔
نئے معاہدے اگست 2025 سے جولائی 2026 تک کارآمد ہوں گے۔ پی سی بی نے مزید باصلاحیت کھلاڑیوں کو مواقع فراہم کرنے کے لیے اس سیزن میں کھلاڑیوں کی تعداد 131 سے بڑھا کر 157 کر دی ہے۔
اس بار ڈومیسٹک کنٹریکٹس کو تین کی بجائے چار زمروں میں تقسیم کیا گیا ہے۔
کیٹیگری ون میں 30 کھلاڑی، کیٹیگری ٹو میں 55 کھلاڑی، کیٹیگری تھری میں 51 کھلاڑی اور کیٹیگری فور میں 21 کھلاڑی شامل ہیں۔
پی سی بی کے مطابق یہ معاہدے گزشتہ سیزن میں کھلاڑیوں کی کارکردگی کی بنیاد پر تیار کیے گئے ہیں۔
مزید پڑھیں:فٹبال میچ ہارجانے کا صدمہ، نوجوان کھلاڑی دل کا دورہ پڑنے سے جاں بحق
